13سالہ افغان لڑکا طیارے کے لینڈنگ گیئر میں چھپ کر دہلی پہنچ گیا

بھارتی حکام کی دوڑیں لگ گئیں،مکمل تفتیش کے بعداسی جہاز سے لڑکے کوواپس روانہ کردیاگیا

منگل 23 ستمبر 2025 16:39

کابل (اُردو پوائنٹ اخبارتازہ ترین - این این آئی۔ 23 ستمبر2025ء)افغانستان سے تعلق رکھنے والا 13 سالہ لڑکا طیارے کے لینڈنگ گیئر میں چھپ کر دہلی پہنچ گیا جس سے بھارتی حکام کی تشویش میں اضافہ ہوگیا۔ افغان لڑکے نے کابل سے دہلی آنے والی پرواز کے لینڈنگ گیئر کے کمپارٹمنٹ میں چھپ کر سفر کیا۔

(جاری ہے)

بھارتی میڈیا کے مطابق یہ لڑکا کابل ایئرپورٹ کے ممنوعہ علاقے میں داخل ہونے میں کامیاب ہو گیا اور افغان ائیرلاین KAM کی پرواز RQ-4401 کے پچھلے مرکزی لینڈنگ گیئر کمپارٹمنٹ میں چھپ گیا۔

یہ پرواز تقریبا دو گھنٹے کے سفر کے بعد صبح 11 بجے دہلی پہنچی تھی۔یہ لڑکا شمالی افغانستان کے شہر قندوز کا رہائشی ہے جسے ایئرلائن کے عملے نے تحویل میں لیا اور سینٹرل انڈسٹریل سیکیورٹی فورس کے حوالے کر دیا، جس کے بعد اسے پوچھ گچھ کے لیے ٹرمینل 3 لے جایا گیا۔حکام نے تصدیق کی کہ اسے اسی طیارے کے ذریعے واپس افغانستان بھیج دیا گیا،