پابندیاں ہی لگانی ہیں تو مذاکرات کا کیا فائدہ، ایرانی صدر

سپریم لیڈر نے ایٹمی ہتھیاروں بارے فتویٰ دیا ،ہم ایٹمی ہتھیار نہیں بنائیں گے،صحافیوں سے گفتگو

جمعرات 25 ستمبر 2025 17:02

پابندیاں ہی لگانی ہیں تو مذاکرات کا کیا فائدہ، ایرانی صدر

نیویارک(اُردو پوائنٹ اخبارتازہ ترین - این این آئی۔ 25 ستمبر2025ء)ایرانی صدر نے کہاہے کہ اگر ایران پر پابندیاں ہی لگانی ہیں تو پھر مذاکرات کا فائدہ کیا ہے۔غیرملکی میڈیا کے مطابق ایرانی صدر نے نیویارک اقوام متحدہ سلامتی کونسل کے سالانہ اجلاس کے پس منظر میں سوئٹزرلینڈ کی ہم منصب کیرین کیلرسٹر سے ملاقات کے بعد صحافیوں سے گفتگو کی۔

(جاری ہے)

ایرانی صدر نے کہا کہ ہم بامقصد مذاکرات کے حامی ہیں اور ایٹمی معاملے پر مزاکرات کے عمل کا ہمیشہ خیر مقدم کریں گے۔

انہوں نے کہا کہ ہمارے سپریم لیڈر آیت اللہ خامنہ ای نے ایٹمی ہتھیاروں کے حوالے سے فتویٰ دیا ہوا ہے اس لیے ہم ایٹمی ہتھیار نہیں بنائیں گے۔انہوں نے کہا کہ ہم اس حوالے سے عالمی قوانین اور اصولوں کے مطابق منظور شدہ فریم ورک کے اندر کام کرنے کیلئے تیار ہیں۔