پ*پنجاب پولیس لاہور سمیت صوبہ بھر میں منظم گروہوں کے خلاف سرگرم عمل

ًگذشتہ 24 گھنٹوں کے دوران 12 گینگز کے 30 کارندے گرفتار، اسلحہ، گولیاں، گاڑیاں، نقدی و دیگر سامان برآمد

منگل 23 ستمبر 2025 19:45

’لاہور (اُردو پوائنٹ اخبارتازہ ترین - آن لائن۔ 23 ستمبر2025ء) پنجاب پولیس لاہور سمیت صوبہ بھر میں منظم گروہوں کے خلاف سرگرم عمل ہے جس کے تسلسل میں گذشتہ 24 گھنٹوں کے دوران 12 گینگز کے 30 کارندے گرفتار کر لئے گئے۔ ترجمان پنجاب پولیس نے تفصیلات سے آگاہ کرتے ہوئے بتایا کہ ملزمان کے قبضہ سے کلاشنکوف، پسٹلز، رائفلز، ریوالورز، بندوقوں سمیت 95 ہتھیار اور سینکڑوں کی تعداد میں گولیاں برآمد کی گئیں۔

(جاری ہے)

ملزمان کے قبضہ سے 03 گاڑیاں، 15 موٹر سائیکلیں، 17 موبائل فونز، 05 مویشی اور 10 لاکھ روپے نقدی بھی برآمد کی گئی۔ ترجمان پنجاب پولیس نے مزید بتایا کہ کاروائیوں کے دوران 257 اشتہاری مجرمان، 84 عدالتی مفرور اور 25 عادی مجرمان گرفتار کیے گئے۔ جرائم پیشہ عناصر کے خلاف کاروائیوں میں 05 مجرمان کیفر کردار کو پہنچے جبکہ 10 زخمی حالت میں گرفتار کیے گئے۔ آئی جی پنجاب نے جرائم پیشہ افراد کے خلاف آپریشنز تیزی سے جاری رکھنے کی ہدایت کی ہے۔