3 لاکھ 57ہزار 62مقامات کی چیکنگ کے دوران 291گراں فروشوں کو 5لاکھ 53ہزار روپے جرمانے ،محکمہ پرائس کنٹرول

منگل 23 ستمبر 2025 20:20

لاہور (اُردو پوائنٹ اخبارتازہ ترین - اے پی پی۔ 23 ستمبر2025ء) محکمہ پرائس کنٹرول پنجاب نے صوبہ بھر میں 3 لاکھ 57ہزار 62مقامات کی چیکنگ کے دوران 6ہزار 291گراں فروشوں کو 5لاکھ 53ہزار روپے کے جرمانے ، 6 کے خلاف مقدمات درج جبکہ 69گرفتار کروائے گئے،39ہزار 346مقامات سے آٹا نرخوں کی چیکنگ کے دوران 347گراں فروشوں کو جرمانہ جبکہ 5گرفتار کروائے گئے، 13ہزار 267چکن شاپس کی چیکنگ کے دوران 312گراں فروشوں کو جرمانے جبکہ 3 افردا گرفتار کروائے گئے، 10ہزار 568ہوٹلوں اور تنوروں کی چیکنگ کے دوران 482ناجائز منافع خوروں کو جرمانہ عائد ،5 مقدمات درج جبکہ 3افراد گرفتار کروائے گئے۔

(جاری ہے)

علاوہ ازیں 12 ہزار 449مقامات سے چینی نرخوں کی چیکنگ کے دوران 203 ناجائز منافع خوروں کو جرمانے عائد جبکہ 4گرفتار کروائے گئے۔ ترجمان محکمہ پرائس کنٹرول نے کہاکہ ناجائز منافع خوری اور گراں فروشی کے خلاف زیرو ٹالرینس پالیسی پر سختی سے عمل درآمد جاری ہے،صوبہ بھر میں اشیا ضروریہ کی مقررہ کردہ نرخوں پر فروخت ہر صورت یقینی بنائی جائے گی۔