پنجاب یونیورسٹی اور شیخ زید ہسپتال کے مابین معاہدہ طے پاگیا

جمعہ 26 ستمبر 2025 19:24

لاہور (اُردو پوائنٹ اخبارتازہ ترین - اے پی پی۔ 26 ستمبر2025ء) پنجاب یونیورسٹی اور شیخ زاید ہسپتال کے مابین الائیڈ ہیلتھ سائنسز کے طلبہ و طالبات کی عملی تربیت کیلئے معاہدہ طے پا گیا۔اس سلسلے میں مفاہمتی یاداشت پر دستخط کی تقریب وائس چانسلر پنجاب یونیورسٹی آفس کے کمیٹی روم میں منعقد ہوئی۔ تقریب میں وائس چانسلرپروفیسر ڈاکٹر محمد علی، چیئرمین شیخ زید ہسپتال ڈاکٹر اکبر حسین، چیئرمین ڈاکٹر منظور حسین ودیگر نے شرکت کی۔

معاہدے کی رو سے پنجاب یونیورسٹی الائیڈ ہیلتھ سائنسز کے طلبہ و طالبات شیخ زید ہسپتال میں عملی تربیت حاصل کرسکیں گے۔ وائس چانسلر پروفیسر ڈاکٹر محمد علی نے کہا کہ ڈی پی ٹی، ایم ایل ٹی، آڈیالوجی اور آپٹومیٹری اینڈ وژن سائنسز کے طلبہ واطالبات مستفید ہوں گے۔

(جاری ہے)

انہوں نے کہا کہ الائیڈ ہیلتھ سائنسز کے شعبے میں انسانی وسائل کی کمی کو پورا کرنے میں پنجاب یونیورسٹی اپنا کردار ادا کرے گی۔

انہوں نے کہا کہ الائیڈ ہیلتھ کے شعبے میں بہترین اور معیاری گریجوایٹس پیدا کرنا ہماری اولین ترجیح ہے۔ڈاکٹر اکبر حسین نے کہا کہ پنجاب یونیورسٹی الائیڈ ہیلتھ سائنسز کے طلبا کو شیخ زید ہسپتال میں اعلی معیار کی تربیت فراہم کریں گے۔ انہوں نے کہا کہ شیخ زید ہسپتال کی جدید ترین مشینیں اور مہارتوں سے طلبا کو معیاری تربیت ملے گی۔