جدہ میں تیسری سعودی فیشن ٹیکس ایکسپو شروع، 28 ستمبر تک جاری رہے گی

ہفتہ 27 ستمبر 2025 09:50

جدہ (اُردو پوائنٹ اخبارتازہ ترین - اے پی پی۔ 27 ستمبر2025ء) جدہ میں تیسری سعودی فیشن ٹیکس ایکسپو کاآغاز ہو گیا ہے ، نمائش 28 ستمبر تک جاری رہے گی۔

(جاری ہے)

اردو نیوز کے مطابق ایکسپو کی افتتاحی تقریب میں فیشن انڈسٹری سے تعلق رکھنے والے مقامی معروف مرد و خواتین تاجروں نے بھی شرکت کی جبکہ سفارتکاروں میں ترکیہ کے قونصل جنرل مصطفی اونال ، فرانس کے قونصل جنرل محمد نھاض ،فرانسیسی ثقافتی وفد کے ارکان، بھارتی قونصل جنرل احمد خان سوری اور جرمن وفد کے نمائندے بھی موجود تھے۔

افتتاحی تقریب سے خطاب کرتے ہوئے مقررین نے نمائش کو فیشن انڈسٹری کے شعبے میں مہارتوں کے تبادلے کے حوالے سے ایک اہم عالمی پلیٹ فارم قرار دیتے ہوئے اس شعبے میں باہمی تعاون کو فروغ دینے پرزوردیا۔نمائش کے شرکانے کہا کہ مملکت کو اب اس صنعت کے حوالے سے مستقبل کے لیے ایک اہم شراکت دار کا درجہ حاصل ہو گیا ہے۔