سعودی عرب میں بینک اکاونٹ کھولنے کے لئے وزیٹر آئی ڈی کی منظوری

پیر 29 ستمبر 2025 17:21

ریاض(اُردو پوائنٹ اخبارتازہ ترین - این این آئی۔ 29 ستمبر2025ء)سعودی عرب کے سینٹرل بینک ساما نے مملکت بھر کے بنکوں میں اکاونٹس کھولنے کے لیے وزیٹرآئی ڈی کی منظوری کی اعلان کیا ہے۔ساما نے وزیٹر آئی ڈی کو بنکنگ سیکڑ کے لیے منظو شدہ دستاویز قرار دیتے ہوئے وزٹ ویزوں پر آنے والوں کو بنک اکاونٹ کھولنے کی سہولت کا فراہم کی ہے۔

(جاری ہے)

سعودی خبررساں ایجنسی کے مطابق سعودی عرب میں وزٹ ویزوں پر آنے والوں کو وزارت داخلہ کی جانب سے وزیٹر آئی ڈی جاری کی جاتی ہے جو ایک سرکاری شناحتی دستاویز کے طور پر کام کرتی ہے جس کی تصدیق منظورشدہ ڈیجیٹل پلیٹ فارمز (توکلنا وغیرہ)کے ذریعے کی جاسکتی ہے۔

سینٹرل بینک کی جانب سے مملکت کے تمام بینکوں اور مالیاتی ایجنسیز کو ہدایت کی کہ وہ وزیٹر آئی ڈی پر اکاونٹ کھول سکتے ہیں تاکہ وزیٹرز وسیع تر خدمات سے مستفیض ہوں۔