یو ای ٹی لاہور میں علی مردان ہال ہاسٹل کی تزئین و آرائش کے منصوبے کا افتتاح

منگل 30 ستمبر 2025 18:01

لاہور (اُردو پوائنٹ اخبارتازہ ترین - این این آئی۔ 30 ستمبر2025ء) یونیورسٹی آف انجینئرنگ اینڈ ٹیکنالوجی لاہور کے وائس چانسلر پروفیسر ڈاکٹر شاہد منیر نے علی مردان ہال ہاسٹل کی تزئین و آرائش کے منصوبے کا افتتاح کیا۔ یہ منصوبہ ہائر ایجوکیشن کمیشن کے تعاون سے 6کروڑ 64لاکھ 37ہزار 677روپے کی لاگت سے مکمل ہو گا۔

(جاری ہے)

اس موقع پر وائس چانسلر پروفیسر ڈاکٹر شاہد منیر نے کہا کہ طلبا کی فلاح و بہبود اور معیاری رہائشی سہولیات کی فراہمی یو ای ٹی کی اولین ترجیح ہے۔

جدید اور آرام دہ رہائش گاہوں سے طلبا کی تعلیمی کارکردگی میں بہتری آئے گی اور وہ یکسوئی کے ساتھ تعلیم حاصل کر سکیں گے۔ انہوں نے مزید کہا کہ ہائر ایجوکیشن کمیشن کا تعاون یو ای ٹی کی ترقی میں کلیدی کردار ادا کر رہا ہے اور آئندہ بھی طلبا کی سہولت اور تعلیمی معیار کو بلند کرنے کے لیے مزید اقدامات کیے جائیں گے۔