ایل ڈی اے ورکرزیونین کے زیراہتمام عظیم الشان محفلِ میلادِمصطفیﷺکاانعقاد

صوبائی وزیر بلال یاسین نے قرعہ اندازی کے ذریعے 6خوش قسمت ملازمین کو عمرے کے ٹکٹ دئیے

بدھ 1 اکتوبر 2025 20:35

لاہور(اُردو پوائنٹ اخبارتازہ ترین - این این آئی۔ 01 اکتوبر2025ء) ایل ڈی اے ورکرزیونین کے زیراہتمام ایل ڈی اے ہیڈآفس جوہرٹائون میں عظیم الشان محفلِ میلادِمصطفیﷺکاانعقادکیاگیا۔محفل میلاد میں وزیرہائوسنگ اینڈ اربن ڈویلپمنٹ بلال یاسین،وائس چیئرمین ایل ڈی اے میاں مرغوب احمد، ایم پی اے سید توصیف شاہ،ایم پی اے ملک شہباز کھوکھر،صدر لاہور پریس کلب ارشدانصاری،اے ڈی جی ہیڈکوارٹرز رابعہ ریاست ودیگرایل ڈی اے افسران بھی شریک تھے۔

تقریب کی صدارت ایل ڈی اے ورکرزیونین کے صدرکاشف گجر،جنرل سیکرٹری شاہدباقراورعابدخیالی نے کی۔اس موقع پروزیرہائوسنگ بلال یاسین اوروائس چیئرمین ایل ڈی اے میاں مرغوب احمد نے قرعہ اندازی کی۔قرعہ اندازی کے ذریعے 6خوش قسمت ملازمین کو عمرے کے ٹکٹ دئیے گئے۔

(جاری ہے)

قرعہ اندازی میں سکیل 1 سے سکیل 16 تک کیریگولر ملازمین اورڈیلی ویجزملازمین کوشامل کیاگیا۔

محفل میلاد میں نعت خوان نے حضوراکرمﷺ کی شان میں گل ہائے عقیدت پیش کئے۔اس موقع پر گفتگو کرتے ہوئے وزیر ہائوسنگ پنجاب بلال یاسین نے کہاکہ ایل ڈی ملازمین اپنی چھت،اپنا گھر پروگرام کے تحت 15 لاکھ تک بلاسود قرض حاصل کرسکیں گے۔ایل ڈی اے ملازمین کے جائز مطالبات اور ویلفیئر کے اقدامات یقینی بنائیں گے۔تقریب میں ایل ڈی اے ملازمین نے بڑی تعدادمیں شرکت کی۔