سعودی وزیر خارجہ کی شامی ہم منصب سے ملاقات، دو طرفہ تعلقات پر تبادلہ خیال

جمعرات 2 اکتوبر 2025 08:40

ریاض (اُردو پوائنٹ اخبارتازہ ترین - اے پی پی۔ 02 اکتوبر2025ء) سعودی وزیر خارجہ شہزادہ فیصل بن فرحان نے العلا میں منعقدہ میونخ سکیو رٹی کانفرنس کے رہنماؤں کے اجلاس کے موقع پر اپنے شامی ہم منصب اسعد الشیبانی سے ملاقات کی۔

(جاری ہے)

ملاقات کے دوران انہوں نے دونوں برادر ممالک کے درمیان دوطرفہ تعلقات کا جائزہ لیا اور شام کے برادر عوام کی امنگوں کے حصول کے لیے اس کی سلامتی اور معیشت کی حمایت کے لیے کوششوں پر تبادلہ خیال کیا۔

دنیا کی سب سے باوقار سیاسی اور سکیورٹی کانفرنس کے رہنماؤں کا اجلاس بدھ کو سعودی عرب کے شہر العلا میں شروع ہوا جس میں تقریباً 100 سینئر بین الاقوامی رہنماؤں کی شرکت تھی۔ شام نے پہلے دن کے افتتاحی سیشن کے دوران بات چیت پر غلبہ حاصل کیا۔ شرکاء نے مضبوط علاقائی اور بین الاقوامی حمایت کی ضرورت پر زور دیا اور غیر ملکی مداخلت یا داعش کے دوبارہ سر اٹھانے جیسے خطرات سے خبردار کیا۔