ڈسٹرکٹ ایسٹ پولیس نے مختلف کارروائیوں میں 12ملزمان کو گرفتار کرلیا

جمعرات 2 اکتوبر 2025 15:51

کراچی (اُردو پوائنٹ اخبارتازہ ترین - این این آئی۔ 02 اکتوبر2025ء)ڈسٹرکٹ ایسٹ پولیس نے مختلف کارروائیوں میں 12ملزمان کو گرفتار کرلیا ہے ۔تفصیلات کے مطابق ڈسٹرکٹ ایسٹ پولیس کا جرائم پیشہ ملزمان کے خلاف مسلسل کریک ڈاؤن جاری ہے ۔ڈسٹرکٹ ایسٹ پولیس نے گزشتہ روز کارروائیوں کے دوران مجموعی طور پر 12 ملزمان کو گرفتار کیا۔گرفتار ملزمان میں 2 اسٹریٹ کرمنلز اور 3 گٹکا ماوا فروش بھی شامل ہیں۔

(جاری ہے)

گرفتار ملزمان سے 2 پسٹلز بمعہ ایمونیشن، 110 پڑیاں تیار گٹکا ماوا اور نقدی رقم برآمد کرلی گئی۔ملزمان کی گرفتاریاں تھانہ بہادر آباد، سولجر بازار، مبینہ ٹان، سہراب گوٹھ اور سائٹ سپر ہائی وے کے علاقوں سے عمل میں لائی گئی۔ملزمان کے خلاف متعلقہ تھانہ جات میں مقدمات درج کرکے ملزمان کو متعلقہ تفتیشی حکام کے حوالے کردیا گیا ہے۔گرفتار ملزمان میں زین خان، عاقل، محمد شاہد، فرحان، حمزہ عرف سونو، شہزاد، رفیق، خرم، ندیم، محمد اسلام، محمد خلیل اور محمد بلال شامل ہیں۔