26سالہ مریم محمد مس یونیورس مقابلے میں یو اے ای کی نمائندگی کریں گی

پیر 6 اکتوبر 2025 18:42

ابوظہبی (اُردو پوائنٹ اخبارتازہ ترین - این این آئی۔ 06 اکتوبر2025ء) 26سالہ اماراتی فیشن سٹوڈنٹ مریم محمد کو مس یونیورس یو اے ای 2025ء کا تاج پہنا دیا گیا، وہ اگلے ماہ تھائی لینڈ میں ہونے والے مس یونیورس 2025مقابلے میں متحدہ عرب امارات کی نمائندگی کرنے والی پہلی دوشیزہ ہوں گی۔مریم محمد نے سیکڑوں امیدواروں میں سے کامیابی حاصل کی ہے، انہوں نے جیت کے بعد کہا کہ میں ان خواتین کی آواز بننا چاہتی ہوں جو خواب دیکھتی ہیں، سیکھتی ہیں اور دنیا میں مثبت تبدیلی لانا چاہتی ہیں، مس یونیورس صرف خوبصورتی کا نہیں بلکہ اثر پیدا کرنے کا مقابلہ ہے۔

(جاری ہے)

مریم کے پاس یونیورسٹی آف سڈنی سے اکنامکس میں ڈگری ہے اور وہ اس وقت ای ایس موڈ دبئی میں فیشن ڈیزائن کی تعلیم حاصل کر رہی ہیں، وہ فیشن، خواتین کے بااختیار ہونے اور غربت کے خاتمے کیلئے مختلف سماجی منصوبوں میں بھی سرگرم ہیں، مریم نے رمضان امان اور دی گیونگ فیملی انیشی ایٹو جیسے فلاحی پروگراموں میں حصہ لیا۔مس یونیورس یو اے ای کی نیشنل ڈائریکٹر پاپی کیپیلا نے کہا کہ مریم محمد نے اپنی ذہانت، وژن اور اماراتی اقدار سے وابستگی کے ذریعے سب کو متاثر کیا، وہ خواتین کی قیادت، ثقافتی فخر اور عالمی ہم آہنگی کی بہترین نمائندہ ہیں۔