ٹیم سے جھگڑا ہوا تو انہیں کھانے میں نیند کی گولیاں ملا کے کھلادی تھیں، فضاء علی

پیر 6 اکتوبر 2025 18:58

کراچی (اُردو پوائنٹ اخبارتازہ ترین - این این آئی۔ 06 اکتوبر2025ء) ماڈل، اداکارہ و میزبان فضا علی نے انکشاف کیا ہے کہ ٹیم والوں کے ساتھ جھگڑا ہوا تو انہیں کھانے میں نیند کی گولیاں ملا کر کھلادی تھیں۔نجی ٹی وی چینل سے گفتگوکرتے ہوئے اداکار نے بتایا کہ میں شو کر رہی تھی، ٹاک بیک میں کوئی بات بری لگ گئی تو میرا دماغ خراب ہوگیا ۔

(جاری ہے)

انہوں نے بتایا میں کھانا اچھا پکاتی ہوں تو سب لوگ ویسے ہی مجھ پر دبائو ڈال رہے تھے کہ پائے پکا کر لائو، پائے پکانا سب سے مشکل ہوتا ہے۔

مجھے اتنا غصہ آیا ہوا تھا، بدلا لینا تھا تو پوری رات جاگ کر پائے پکائے اور گھر میں جو ادویات ملیں، نیند کی، درد کی، کھانسی کی وہ سب اور کچھ مزید خرید کر کھانے میں ڈال دیں۔ اداکارہ نے بتایا کہ وہ صرف ٹیم کیلئے تھی لیکن سیٹ پر موجود اور لوگ بھی وہ کھانا کھانے آگئے تھے، بعد میں احساس ہوا کہ یہ کافی خطرناک مذاق تھا۔