ڈپٹی کمشنر لوئر دیر کی زیر صدارت پولیو خاتمہ مہم کی تیاریوں کا جائزہ اجلاس

بدھ 8 اکتوبر 2025 18:47

لوئر دیر (اُردو پوائنٹ اخبارتازہ ترین - اے پی پی۔ 08 اکتوبر2025ء) ڈپٹی کمشنر لوئر دیر محمد عارف خان کی زیر صدارت 13 اکتوبر 2025 کو شروع ہونے والی پولیو کے خاتمے کی مہم کی تیاریوں کا جائزہ لینے کے لیے اجلاس منعقد ہوا، اجلاس میں ڈسٹرکٹ پولیس آفیسر، ایڈیشنل ڈپٹی کمشنر، ڈسٹرکٹ ہیلتھ آفیسر، اور دیگر اسٹیک ہولڈرز نے شرکت کی۔مہم کا مقصد 332,570 بچوں کو پولیو سے بچاؤ کے قطرے پلانے اور وٹامن اے کے سپلیمنٹس فراہم کرنا ہے۔

(جاری ہے)

مہم کے لیے مجموعی طور پر 1465 پولیو ٹیموں کو مطلع کر دیا گیا ہے. ایڈیشنل ڈپٹی کمشنر نے مہم میں کمیونٹی بیداری اور شمولیت کی اہمیت پر زور دیا۔ انہوں نے ہدایت کی کہ ایریا انچارجز پولیو ورکرز کی سیکیورٹی کوریج کو یقینی بنائیں اور مہم کی پیشرفت پر کڑی نظر رکھیں۔ ضلعی انتظامیہ نے مہم کی کامیابی کو یقینی بنانے کے لیے ایک جامع منصوبہ تیار کیا ہے، جس میں انگلیوں کے جعلی نشانات میں ملوث افراد کے خلاف سخت کارروائی اور فیلڈ ایشوز کی فوری رپورٹنگ شامل ہے۔\378