سال2023کا نیشنل پاور بریک ڈان: نیپرا نے کے الیکٹرک کو ذمہ دار قرار دے دیا

جمعرات 9 اکتوبر 2025 15:10

کراچی(اُردو پوائنٹ اخبارتازہ ترین - این این آئی۔ 09 اکتوبر2025ء) نیشنل الیکٹرک پاور ریگولیٹری اتھارٹی(نیپرا)نے ملک میں 2023 میں ہونے والے بڑے پاور بریک ڈان پر فیصلہ سناتے ہوئے کے الیکٹرک کو ذمہ دار قرار دے دیا ہے۔ اتھارٹی نے کے الیکٹرک پر 2 کروڑ 50 لاکھ روپے جرمانہ عائد کرتے ہوئے کہا کہ کمپنی اپنی آپریشنل ذمہ داریاں نبھانے میں ناکام رہی۔نیپرا کے مطابق کے الیکٹرک کی جانب سے دی گئی وضاحتیں اور جوابات پاور بریک ڈان کا کوئی قابلِ قبول جواز فراہم نہیں کرتے۔

فیصلہ میں کہا گیا کہ بریک ڈان کی ذمہ داری صرف نیشنل گرڈ پر ڈالنا درست نہیں، کے الیکٹرک اپنے سسٹم کی کمزوریوں اور خامیوں کی بھی برابر ذمہ دار ہے۔اتھارٹی نے قرار دیا کہ کے الیکٹرک کی جانب سے جمع کرائے گئے جوابات غیر اطمینان بخش اور ناقابلِ قبول ہیں، جبکہ کمپنی کو ہدایت دی گئی ہے کہ 15 روز کے اندر عائد جرمانہ قومی خزانے میں جمع کرائے۔

(جاری ہے)

نیپرا کے فیصلے میں کہا گیا ہے کہ لو سسٹم انرشیا کا حوالہ تکنیکی لحاظ سے درست ضرور ہے مگر یہ ناکافی وضاحت ہے۔رپورٹ کے مطابق کے الیکٹرک نے اپنے بلیک اسٹارٹ پلان کی مثر کارکردگی دکھانے میں ناکامی ظاہر کی، حالانکہ کمپنی نے بلیک اسٹارٹ کی مشقیں انجام دینے کا دعوی کیا تھا۔اتھارٹی نے مزید کہا کہ بار بار ٹرپنگ کے واقعات سے واضح ہوتا ہے کہ کے الیکٹرک کے حفاظتی اقدامات غیر مثر تھے اور پلانٹس کی تکنیکی خامیاں بدستور برقرار رہیں۔

نیپرا نے کے الیکٹرک کو جواب جمع کرانے کا موقع فراہم کیا، اور سماعت کا عمل کئی بار مخر ہوا۔ ابتدائی سماعت 14 نومبر 2024 کو ہونا تھی لیکن کے الیکٹرک کی درخواست پر ملتوی کی گئی۔ بعد ازاں دوبارہ سماعت 20 مارچ 2025 کو نیپرا ہیڈ آفس میں منعقد ہوئی، جس کے بعد اتھارٹی نے یہ حتمی فیصلہ سنایا۔ذرائع کے مطابق نیپرا کے اس فیصلے کے بعد کے الیکٹرک کو اپنے سسٹم میں موجود تکنیکی خامیاں دور کرنے اور مستقبل میں بلیک اسٹارٹ پلان کو فعال اور موثر بنانے کے لیے ہنگامی اقدامات کرنا ہوں گے۔