دیپیکا پڈوکون کا عبایا پہن کر ابوظہبی کی شیخ زاید مسجد کا دورہ،ویڈیووائرل

جمعہ 10 اکتوبر 2025 10:45

ابوظہبی(اُردو پوائنٹ اخبارتازہ ترین - این این آئی۔ 10 اکتوبر2025ء) بالی ووڈ جوڑی دیپیکا پڈوکون اور رنویر سنگھ نے ابوظہبی کی شیخ زاید مسجد کا دورہ کیا۔ عبایا پہنی دیپیکا اور رنویر کی ویڈیو انٹرنیٹ پر وائرل ہوگئی۔دونوں کا ابوظبی کا یہ دورہ Experience Abu Dhabi سیاحت کے فروغ کی مہم کا حصہ ہے، جس کا مقصد امارات کی سیاحت کو فروغ دینا تھا۔

(جاری ہے)

دیپیکا کے عبایا اور سر ڈھانپنے والے لباس پر سوشل میڈیا پر تعریف اور تنقید دونوں دیکھنے کو ملیں۔

کچھ صارفین نے ان کے لباس کو مذہبی احترام قرار دیا،جبکہ دیگر نے اسے میرا انتخاب جیسے سابقہ موقف سے تضاد قرار دیا۔مہم کا مقصد ابوظہبی کو ایک روحانی اور ثقافتی مقام کے طور پر پیش کرنا ہے، لیکن اشتہاری مقاصد کے لیے مذہبی مقامات کے استعمال پر بھی سوالات اٹھے ہیں۔