سعودی وزیرِ مواصلات و ٹیکنالوجی کی میٹا کے سی ای او سے ملاقات، مصنوعی ذہانت ،جنریٹیو اے آئی کے میدانوں میں شراکت کے امکانات پر تبادلہ خیال

بدھ 15 اکتوبر 2025 10:40

واشنگٹن (اُردو پوائنٹ اخبارتازہ ترین - اے پی پی۔ 15 اکتوبر2025ء) سعودی وزیرِ مواصلات و ٹیکنالوجی انجینئر عبداللہ بن عامر السواح نے میٹا کے چیف ایگزیکٹو آفیسر مارک زکربرگ سے امریکا میں ملاقات کی،جس میں مصنوعی ذہانت، لسانی ماڈلز، میٹاورس ٹیکنالوجیز اور جنریٹیو اے آئی کے میدانوں میں شراکت کے امکانات پر تبادلہ خیال کیا گیا ۔ اردو نیوز کے مطابق گزشتہ روز ملاقات کے دوران دونوں فریقین کی طرف سے متعدد اعلیٰ عہدیداران بھی موجود تھے۔

(جاری ہے)

یہ ملاقات سعودی عرب کی ان کوششوں کا حصہ ہے جو مصنوعی ذہانت اور اختراعی حل کے فروغ کے لئے سٹریٹجک شراکت داریوں کو مضبوط بنانے کے مقصد سے کی جا رہی ہے۔ ملاقات میں مصنوعی ذہانت، لسانی ماڈلز، میٹاورس ٹیکنالوجیز اور جنریٹیو اے آئی کے شعبوں میں شراکت کے امکانات پر تبادلہ خیال کیا گیا نیز اختراع کاروں اور ڈویلپرز کی معاونت کے لیے مختلف اقدامات پر گفتگو ہوئی تاکہ قومی صلاحیتوں کو مضبوط کیا جا سکے اور سعودی عرب کی مستقبل کی ٹیکنالوجیز میں قیادت کو مزید مستحکم کیا جا سکے۔