Live Updates

پنجاب کائونٹر نارکوٹکس فورس کی کارروائیاں،4ملزمان سے 7کلوگرام سے زائد منشیات برآمد

بدھ 15 اکتوبر 2025 23:28

لاہور (اُردو پوائنٹ اخبارتازہ ترین - اے پی پی۔ 15 اکتوبر2025ء) پنجاب کائونٹر نارکوٹکس فورس نے صوبہ بھر میں منشیات فروشوں اور سمگلروں کے خلاف بھرپور اور موثر کارروائی کرتے ہوئے4ملزمان سے 7کلوگرام سے زائد منشیات برآمد کر لی ہے۔گزشتہ تین روز کے دوران پنجاب کی ٹیموں نے فیصل آباد، گوجرانوالہ، ڈیرہ غازی خان اور ساہیوال میں کامیاب آپریشنز کے دوران منشیات فروشوں کے بڑے نیٹ ورکس کو نشانہ بنایا۔

(جاری ہے)

کارروائیوں کے نتیجے میں3.6 کلو گرام چرس،2.5 کلو گرام آئس،663 گرام ہیروئن اور300 گرام افیون برآمد کی گئی۔ چار ملزمان کو گرفتار کر کے ان کے خلاف مقدمات درج کر لیے گئے ہیں۔ترجمان پنجاب کائونٹر نارکوٹکس کے مطابق فورس وزیراعلیٰ کے وژن کی روشنی میں صوبے بھر سے منشیات کے خاتمے کے لیے سرگرمِ عمل ہے۔ انہوں نے کہا کہ منشیات کے کاروبار میں ملوث عناصر کے خلاف زیرو ٹالرنس پالیسی پر عمل درآمد جاری ہے اور یہ آپریشنز اس وقت تک جاری رہیں گے جب تک منشیات اسمگلنگ کے تمام نیٹ ورکس کا مکمل خاتمہ نہیں ہو جاتا۔
Live سے متعلق تازہ ترین معلومات