گریٹر کراچی منصوبہ حکومت سندھ کی جانب سے کراچی کے شہریوں کے لئے تحفہ ہوگا،ناصر حسین شاہ

کراچی(اُردو پوائنٹ اخبارتازہ ترین - این این آئی۔ 15 اکتوبر2025ء) کراچی کے شہری،انتظامی اور ماحولیاتی مستقبل کو بہتر بنانے کے لیے گریٹر کراچی ریجنل پلان 2047 (Greater Karachi Regional Plan 2047) کا آغاز کر دیا گیا ہے۔ یہ منصوبہ پاکستان کی 100ویں سالگرہ پر شہر کے لیے ایک جامع، پائیدار ترقیاتی فریم ورک فراہم کرے گا۔ڈائریکٹر جنرل کے ڈی اے آصف جان صدیقی نے وزیر بلدیات سندھ ناصر حسین شاہ کوبریفنگ دیتے ہوئے بتایا کہ اسٹریٹجک ریجنل پلان کی تیاری کا مقصد ایک مربوط، ہم آہنگ اور طویل المدتی منصوبہ بندی کو یقینی بناناہے، تاکہ2047 تک کراچی کی بڑھتی ہوئی آبادی اور شہری چیلنجز کا مثر حل نکالا جا سکے۔

شہر کی موجودہ آبادی 21 ملین سے تجاوز کر چکی ہے، اور اندازہ ہے کہ اگلے دو دہائیوں میں یہ تعداد دوگنی ہو جائے گی۔

(جاری ہے)

حکومت سندھ کی زیر نگرانی گریٹر کراچی ریجنل پلان 2047 کو شہریوں تک معلومات کی رسائی کے لئے اوپن ہاس نمائش کا انعقاد کیا جارہا ہے۔اوپن ہاس نمائش کا مقصد، شہریوں کی آواز، شہر کا مستقبل عوام کے ساتھ منصر ہے۔اس منصوبے میں عوامی شمولیت کو بنیادی حیثیت حاصل ہے۔

اسی سلسلے میں ایک دو روزہ اوپن ہاس نمائش بتاریخ 18 اور 19 اکتوبر 2025بوقت صبح 10 بجے تا شام 5 بجے بمقام فریئر ہال، کراچی انعقاد کیا جا رہا ہے جہاں کراچی کے شہری براہِ راست منصوبہ سازوں اور ماہرین سے بات چیت کر سکیں گے۔یہ نمائش ہر شہری کو یہ موقع فراہم کرے گی کہ وہ اپنے شہر کے مستقبل میں براہِ راست کردار ادا کرے۔ شرکا کو موقع دیا جائے گا کہ وہ اپنی آرا، خدشات، اور تجاویز پیش کریں جو منصوبے کی حتمی تشکیل میں شامل کی جائیں گی۔

ماہرین کی ٹیم میں شہری منصوبہ بندی، انفراسٹرکچر، ماحولیاتی تحفظ، اور پائیداری سے وابستہ سینئر مشیر شامل ہوں گے۔مزید شہریوں کی آسان رسائی اور مثر رابطے کے لیے منصوبے کی ایک سرکاری ویب سائٹ لانچ کی گئی ہی: ویب سائٹ: www.gkrp2047.com اور سوشل میڈیا پلیٹ فارمز Facebook،Instagram، Threads، @gkrp2047ویب سائٹ پر منصوبے کی تمام تفصیلات، موجودہ پیش رفت، مستقبل کے مراحل، اور عوامی مشاورت کی معلومات موجود ہیں۔

ایک فیڈبیک فارم کے ذریعے ہر شہری اپنی رائے آن لائن بھی دے سکتا ہے۔گریٹر کراچی ریجنل پلان 2047، کراچی اسٹریٹجک ڈویلپمنٹ پلان 2020 کی جگہ لے گا، جو اب متروک ہو چکا ہے،نئے منصوبے کی تیاری حکومتِ سندھ اور کراچی ڈویلپمنٹ اتھارٹی (KDA) کی زیر نگرانی ہو رہی ہے، اور اس میں کئی معروف مقامی و بین الاقوامی کنسلٹنٹس شامل ہیں۔ جن میں دار الحنداسہ (Shair & Partners)،ایشیئن کنسلٹنگ انجینئرز (پرائیویٹ) لمیٹڈ،ایورون کنسلٹنٹس،یہ ٹیمیں شہری و علاقائی منصوبہ بندی، ماحولیاتی تحقیق، اور پائیدار ترقی کے حوالے سے وسیع تجربہ رکھتی ہیں۔

اس منصوبے کے اہداف میں کراچی کے تمام علاقوں کی مربوط منصوبہ بندی،موجودہ اور مستقبل کے ٹریفک، رہائش، پانی، کچرے، ماحولیاتی مسائل کا دیرپا حل،شہریوں کی معاشی و سماجی بہتری،قدرتی وسائل کا تحفظ اور بہتر استعمال،ماحولیاتی تبدیلیوں سے مطابقت پذیر حکمت عملیوں کا نفاذ،منصوبے کا دورانیہ گریٹر کراچی ریجنل پلان 2047 کا دورانیہ 31 ماہ پر محیط ہے، اور اس کی تکمیل جون 2027 تک متوقع ہے۔

اس دوران عوامی مشاورتی اجلاس، اسٹیک ہولڈرز کی شرکت، اور تکنیکی تجزیے جاری رہیں گے۔گریٹر کراچی ریجنل پلان 2047 نہ صرف ایک منصوبہ ہے بلکہ یہ شہریوں کے لیے شراکت، ترقی اور امید کی نئی راہیں کھولنے کا عمل ہے۔ کراچی کے شہریوں کو دعوت دی جاتی ہے کہ وہ اس قومی اہمیت کے منصوبے میں بڑھ چڑھ کر حصہ لیں اور اپنے خیالات، خواب اور خدشات منصوبہ سازوں تک پہنچائیں،کیونکہ ایک بہتر کراچی کی بنیاد شہریوں کی شمولیت پر ہے۔