گزشتہ چوبیس گھنٹوں کے دوران پنجاب بھرمیں 1484ٹریفک حادثات میں 20افراد جاں بحق، 1720زخمی ہو گئے، ترجمان ایمرجنسی سروسز ڈیپارٹمنٹ

جمعہ 17 اکتوبر 2025 20:13

لاہور (اُردو پوائنٹ اخبارتازہ ترین - اے پی پی۔ 17 اکتوبر2025ء) گزشتہ چوبیس گھنٹوں کے دوران پنجاب بھرمیں 1484ٹریفک حادثات میں 20افراد جاں بحق جبکہ 1720زخمی ہو گئے۔ ترجمان کے مطابق ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1484ٹریفک حادثات پر ریسپانڈ کیا جن میں 760افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔

ترجمان کے مطابق 960معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی، ان حادثات میں زیادہ تر تعداد (78فیصد)موٹر سائیکل حادثات کی ہے۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 990ڈرائیوز،66کم عمرڈرائیور،585مسافراور165پیدل چلنے والے افراد متاثر ہوئے۔

(جاری ہے)

اعدادو شمار سے ظاہر ہوتا ہے کہ239ٹریفک حادثات کی فون کالز لاہور کنٹر ول روم میں موصول ہوئیں ،جس میں صوبائی دارالحکومت286متاثرین کے ساتھ پہلے، فیصل آباد104حادثات میں 119متاثرین کے ساتھ دوسر ے،ملتان 93حادثات میں 94متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل1740متاثرین میں 1397مرد اور343خواتین شامل ہیں ۔ حادثات میں 1507موٹرسائیکل،98آٹورکشے،140کاریں،23وین،20مسافر بسیں،20ٹرک اور152دوسری اقسام کی گاڑیاں متاثر ہوئیں۔