عمران خان کو مائنس کرکے کوئی بھی پی ٹی آئی رہنما سیاست نہیں کرسکے گا. فیصل چوہدری

پی ٹی آئی اور حکومت میں مذاکرات ہونے چاہئیں،تمام ٹوئٹس سلمان اکرم راجہ کی مرضی سے ہوتے ہیں. عمران خان کے وکیل کی گفتگو

میاں محمد ندیم جمعرات 11 دسمبر 2025 15:59

عمران خان کو مائنس کرکے کوئی بھی پی ٹی آئی رہنما سیاست نہیں کرسکے گا. ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔11 دسمبر ۔2025 ) سابق وزیراعظم عمران خان اور تحریک انصاف کے وکیل فیصل چوہدری نے کہا ہے کہ پی ٹی آئی کے بانی چیئرمین کو مائنس کرکے کوئی بھی پی ٹی آئی رہنما سیاست نہیں کرسکے گا ایک انٹرویو میں انہوں نے کہا عمران خان جیل میں ہیں، اس وقت پارٹی تو کوئی ہے ہی نہیں، اس وقت پولیٹیکل اسپپیس کسی پارٹی کے پاس نہیں ہے، مسئلے کا ایک حل یہ ہے پی ٹی آئی اور حکومت میں مذاکرات ہوں.

(جاری ہے)

فیصل چوہدری نے کہا کہ پہلے حکومت مذاکرات چاہتی تھی لیکن پی ٹی آئی نہیں چاہتی تھی، اب نوبت یہاں تک آگئی ہے کہ پی ٹی آئی پر پابندی لگادی جائے انہوں نے کہا کہ جنرل سیکرٹری پی ٹی آئی کی اجازت سے ہی ٹوئٹ ہوتی ہیں یہ ان کی ذمہ داری ہے، ایسا نہیں تو جنرل سیکرٹری پی ٹی آئی سلمان اکرم راجہ انکار کردیں کہ اس میں شامل نہیں، تمام ٹوئٹس سلمان اکرم راجہ کی مرضی سے ہوتے ہیں.

فیصل چوہدری نے کہا کہ علی محمد خان کی بات میں وزن ہے صرف سیاسی راہنماﺅ ں کو ملاقات کی اجازت نہیں دی جارہی، میں سمجھتا ہوں بھارتی چینل پر جانے کی ضرورت ہی نہیں تھی وکیل پی ٹی آئی نے کہا کہ 9 مئی پر ان لوگوں کو بھی سزا دی گئی جنھوں نے کچھ بھی نہیں کیا، 9 مئی جنھوں نے کیا ان کی نشاندہی کرکے سزا دی جائے. فیصل چوہدری کا کہنا تھا کہ موجودہ حکومت کو یہ مسئلہ درپیش ہے کہ ان کے پاس متبادلہ بیانیہ نہیں، جیل کے باہر جو پیغام رساں آتے ہیں ان کو گفتگو کرنے کا طریقہ آنا چاہیے.