ٴْاین آئی آر سی کے چیئرمین جسٹس ریٹائرڈ شوکت عزیزصدیقی نے اپنے عہدے سے استعفی دیدیا ہے

پیر 15 دسمبر 2025 18:49

اسلام آباد(اُردو پوائنٹ اخبارتازہ ترین - آن لائن۔ 15 دسمبر2025ء) نیشنل انڈسٹریل ریلیشنز کمیشن (این آئی آر سی) کے چیئرمین جسٹس ریٹائرڈ شوکت عزیز صدیقی نے اپنے عہدے سے استعفی دیدیا ہے ۔چیئرمین این آئی آر سی شوکت عزیز صدیقی نے ذاتی وجوہات کی بنا پر استعفی دیا ۔انہوںنے صدر مملکت کو سیکرٹری وزارت اوورسیز پاکستانیز کے ذریعے معاہدہ ختم کرنے کا نوٹس بھجوا دیا ۔

(جاری ہے)

نوٹس میں کہا گیا ہے کہ دستخط کنندہ کو 2 دسمبر 2024 کو چیئرمین این آئی آر سی تعینات کرنے کا نوٹیفکیشن جاری ہوا، چار دسمبر 2024 کو چیئرمین این آئی آر سی کا عہدہ سنبھالا، ذاتی وجوہات کی بنا پر اب دستخط کنندہ کے لیے اپنی ذمہ داریاں ادا کرنا اور فرائض انجام دینا ممکن نہیں رہا،معاہدہ ختم کرنے کے لیے معاہدے کی شق XII کے تحت ایک ماہ کا نوٹس دیا جا رہا ہے۔