مقتول نوجوان میر رضا کا نجی ٹی وی کو دیا گیا آخری انٹرویو سامنے آگیا

آئس کریم، کرسپی وافل اسٹکس اور ڈیزرٹس تیار کرتے ہیں، تمام پراڈکٹس میں کسی بھی وقت کہیں بھی بنا سکتا ہوں، مقتول میر رضا کی گفتگو

ثنااللہ ناگرہ جمعہ 14 اگست 2026 01:12

کراچی ( اردوپوائنٹ اخبار تازہ ترین ۔ انٹرنیشنل پریس ایجنسی ۔ 13 اگست 2026ء ) کراچی کا مقتول نوجوان میر رضا کا نجی ٹی وی کو دیا گیا آخری انٹرویو سامنے آگیا، جس میں ان کی باتیں سن کر کسی کو بھی نہیں لگے گا کہ یہ نوجوان اب ہم میں موجود نہیں ہے۔ انہوں نے نجی ٹی وی کو انٹرویو میں بتایا کہ ہم کہاں سے اسٹارٹ کیا، وافلز سے شروع کیا لیکن اب ڈیزرٹ بار بن چکا ہے، پہلے ہم لوگوں نے گلشن میں شروع کیا، وہاں بہت اچھا رسپانس تھا، وہاں سلیبرٹی نے آکر ایک ایک گھنٹہ انتظار کیا، اب باقاعدہ فوڈ شاپ ہے، وافلز سے اسٹارٹ کیا تھا اب ایک ڈیزرٹس برانڈ بن چکا ہے، ہم بنیادی طور پر مختلف ذائقوں کے میٹھے وافلز (Waffles)، آئس کریم، کرسپی وافل اسٹکس اور ڈیزرٹس (Deserts) تیار کرتے ہیں۔

یہ جتنے پراڈکٹس بتائے ہیں ، ہمارا مینو پچاس پچاس پراڈکٹس پر ہے،

Late MIR RAZA owner of WAFFLES. LAST INTERVIEW WITH @NidaYasirARY he was youngest and successful businessman. Shame Shame @MuradAliShahPPP AND @AAliZardari @murtazawahab1 @MurtazaViews pic.twitter.com/SKVo4m2PPv
— Harris Usmani (@HarrisUsmani) August 12, 2026

یہ سارے پراڈکٹس میں کسی بھی وقت کہیں بھی بنا سکتا ہوں۔

(جاری ہے)

دو سال ہم لوگوں نے خود کام کیا ہے، وہ کہتے ہیں کہ چلا اکیلا تھا اپنی منزل کی طرف ، ہم آگے چلتے رہے قافلہ بنتا گیا۔ شروع میں ہم چار پانچ دوست تھے، دوستوں نے ہمیں کافی سپورٹ کیا۔ دوسری جانب کراچی کے نوجوان تاجر میر رضا علی کے کیس میں اہم پیش رفت سامنے آئی ہے، جہاں ان کی اسمارٹ واچ کی تصاویر منظرِ عام پر آگئی ہیں۔ ذرائع کے مطابق اسمارٹ واچ پر میر رضا کے سوشل میڈیا اکاؤنٹس سے متعلق ڈی ایکٹیویشن کے نوٹیفکیشن موصول ہوئے تھے۔

ذرائع کے مطابق اسمارٹ واچ پر رات 2 بج کر 42 منٹ اور 48 منٹ پر نوٹیفکیشنز موصول ہوئے۔ اطلاعات کے مطابق ایک نوٹیفکیشن میں سوشل میڈیا اکاؤنٹ کے 27 اگست تک فعال رہنے اور اس کے بعد غیر فعال ہونے سے متعلق پیغام موجود تھا۔تفتیشی ذرائع کا کہنا ہے کہ میر رضا کی اسمارٹ واچ کو فرانزک جانچ کے لیے نیشنل سائبر کرائم انویسٹی گیشن ایجنسی (این سی سی آئی ای) کے حوالے کردیا گیا ہے۔ فرانزک رپورٹ آنے میں 2 سے 3 روز لگنے کا امکان ہے، جس کے بعد اسمارٹ واچ سے حاصل ہونے والے ڈیٹا کی بنیاد پر تحقیقات کو مزید آگے بڑھایا جائے گا۔