ڈاکٹر یاسمین راشد کا این اے 130 فیصلے پر عدالت سے رجوع کا فیصلہ

جیل میں مشاورت کے بعد یاسمین راشد کی وکیل کو ٹریبونل فیصلہ چیلنج کرنے کی ہدایت

میاں محمد ندیم جمعرات 1 جنوری 2026 15:47

ڈاکٹر یاسمین راشد کا این اے 130 فیصلے پر عدالت سے رجوع کا فیصلہ

لاہور(اردوپوائنٹ اخبارتازہ ترین-انٹرنیشنل پریس ایجنسی۔ یکم جنوری ۔2026 ) تحریک انصاف کی راہنما اور سابق صوبائی وزیر ڈاکٹریاسمین راشد کا این اے 130 کے الیکشن میں سابق وزیراعظم اور مسلم لیگ نون کے سربراہ نوازشریف کی کامیابی کے نوٹیفکیشن کے خلاف الیکشن ٹریبونل کے فیصلے کے خلاف عدالت سے رجوع کرنے کا فیصلہ کر لیا ہے ڈاکٹر یاسمین راشد نے اپنی لیگل ٹیم سے جیل میں مشاورت کے بعد اپنے وکیل کو ٹریبیونل کا فیصلہ چیلنج کرنے کی ہدایت کر دی.

(جاری ہے)

ڈاکٹر یاسمین راشد کے وکیل کے مطابق ٹربیونل کے فیصلے کی تصدیق شدہ کاپی کے لئے درخواست دے دی ہے ٹریبیونل کے فیصلے کی کاپی ملتے ہی عدالت میں پٹیشن دائر کی جائے گی ٹریبیونل کی جانب سے حقائق کا درست جائزہ نہیں لیا گیا ٹریبیونل نے تکنیکی بنیادوں پر یاسمین راشد کی الیکشن پٹیشن مسترد کی لاہور کے الیکشن ٹریبونل نے یاسمین راشد کی نواز شریف کے خلاف الیکشن پٹیشن کو ناقابل سماعت قرار دیا تھا.