وفاقی اردو یونیورسٹی اسلام آباد کا سمسٹر بہار2026 کا آغاز 16 فروری سے ہوگا

ہفتہ 14 فروری 2026 17:23

اسلام آباد (اُردو پوائنٹ اخبارتازہ ترین - اے پی پی۔ 14 فروری2026ء) وفاقی اردو یونیورسٹی اسلام آباد کا سمسٹر بہار2026 کا آغاز 16 فروری سے ہوگا۔یونیورسٹی کی جانب سےجاری تفصیلات کے مطابق نئے داخل ہونے والے طلبہ کے لیے اوریئنٹیشن سیشنز اور کلاسیں آئندہ ہفتے سے شروع ہوں گی جبکہ دوسرے سے آٹھویں سمسٹر میں داخل طلبہ کی باقاعدہ کلاسیں 16 فروری سے مقررہ شیڈول کے مطابق شروع ہوں گی۔

(جاری ہے)

وائس چانسلر پروفیسر ڈاکٹر ضابطہ خان شنواری نے کہا کہ یونیورسٹی میں تعلیمی اور تحقیقی سرگرمیوں کو مزید مضبوط کرنے کے لیے ایک جامع حکمت عملی تیار کی گئی ہے۔انہوں نے انتظامیہ کے عزم کی دوبارہ تصدیق کی کہ فیکلٹی اور طلبہ کے درمیان قریبی تعاون کے ذریعے اس ادارے کو اعلیٰ تعلیم کا ایک مضبوط اور مثالی مرکز بنایا جائے گا۔انہوں نے کہا کہ نصاب کو موجودہ تعلیمی اور پیشہ وارانہ ضروریات کے مطابق بنانے، ایک متحرک تحقیقاتی ثقافت کو فروغ دینے اور ادارہ جاتی نظم و ضبط کو بہتر بنانے پر خصوصی توجہ دی جا رہی ہے تاکہ طلبہ کے لیے اعلیٰ معیار کا تعلیمی ماحول یقینی بنایا جا سکے۔