اقرا یونیورسٹی اسلام آباد کیمپس کا سابق طالب علموں کے اعزاز میں عشائیہ

ہفتہ 14 فروری 2026 22:36

اسلام آباد (اُردو پوائنٹ اخبارتازہ ترین - اے پی پی۔ 14 فروری2026ء) اقرا یونیورسٹی اسلام آباد کیمپس نے سابق طالب علموں کے اعزاز میں عشائیہ کا اہتمام کیا، جس میں گریجویٹس، صنعت کے رہنماؤں اور تعلیمی ماہرین کی بڑی تعداد شریک ہوئی تاکہ یونیورسٹی کی میراث کا جشن منایا جا سکے۔یہ تقریب صنعت اور تعلیم کے درمیان خلا کو پر کرنے کے لیے ایک اسٹریٹجک پلیٹ فارم کے طور پر نمایاں رہی جس میں یونیورسٹی کے سابق طلبا وطالبات کے منٹور شپ پروگرام کا باضابطہ آغاز شامل تھا، جو پیشہ ورانہ تعاون کو فروغ دینے اور طلبہ کو عالمی صنعت کے بصیرت تک براہ راست رسائی فراہم کرنے کے لیے ڈیزائن کیا گیا ہے۔

تقریب سے خطاب کرتے ہوئےہیڈ آف کیریئر سروسز آفس بدر عباس شاہ نے کہا کہ سابق طلبہ یونیورسٹی کے بنیادی سفیر ہیں۔

(جاری ہے)

ایسوسی ایٹ ڈین، اقرا یونیورسٹی ایچ-9 اسلام آباد پروفیسر ڈاکٹر اعتزاز احمد نے خوش آمدید کہتے ہوئے کہا کہ یہ ایونٹ یونیورسٹی کے گریجویٹس کے ساتھ زندگی بھر کے، قدر پر مبنی تعلقات استوار کرنے کے عزم کی تصدیق کرتا ہے۔تقریب میں شرکاء کے علاوہ، دنیا بھر سے سابق طلبہ کے ویڈیو پیغامات سنائے گئے اور موسیقی کا اہتمام کیا گیا۔

ایونٹ کے اختتام پر ڈنر اور نیٹ ورکنگ سیشن کا انعقاد کیاگیا جس سے سابق ہم جماعتوں کو دوبارہ ملنے اور مستقبل کے کاروباری تعاون کی تلاش کرنے کا موقع ملا۔ایونٹ کی سب سے نمایاں خصوصیت سابق طلبہ کو اپنے شعبوں میں نمایاں کارکردگی پر گریجویٹس کی خدمات کے اعتراف میں انہیں ایکسیلنس ایوارڈ دیئے گئے۔ ایوارڈ حاصل کرنے والوں میں کنزہ سعید، ڈاکٹر سید اسد علی شاہ، معیز جاوید، محمد عمر گلزاری، زیشان خان، ڈاکٹر فیصل ریاض، اور ندا علی خان شامل تھے۔