علامہ اقبال اوپن یونیورسٹی میں بورڈ آف ایڈوانسڈ اسٹڈیز اینڈ ریسرچ (بسر) کے 76 ویں اجلاس کا انعقاد

پیر 16 فروری 2026 17:45

اسلام آباد (اُردو پوائنٹ اخبارتازہ ترین - اے پی پی۔ 16 فروری2026ء) علامہ اقبال اوپن یونیورسٹی میں بورڈ آف ایڈوانسڈ اسٹڈیز اینڈ ریسرچ (بسر) کا 76واں اجلاس منعقد ہوا ،جس کے پہلے روز فیکلٹی آف سوشل سائنسز اور فیکلٹی آف ایجوکیشن سے تعلق رکھنے والے 12 پی ایچ ڈی اور 102 ایم فل سکالرز نے اپنے تحقیقی خاکے (سائناپسز) پیش کئے۔اجلاس میں پیش کئے گئے تحقیقی منصوبوں کو شرکاء نے نہ صرف سراہا بلکہ سکالرز کے علمی معیار، تحقیقی گہرائی اور تنقیدی صلاحیتوں کی بھرپور تعریف کی گئی۔

اجلاس کی صدارت وائس چانسلر پروفیسر ڈاکٹر ناصر محمود نے کی۔اجلاس میں یونیورسٹی کے ڈینز، سینئر پروفیسرز، فیکلٹی ممبران کے علاوہ ملک کی مختلف جامعات سے تعلق رکھنے والے نامور بیرونی ماہرین نے بھی شرکت کی۔

(جاری ہے)

اجلاس کا ایجنڈا ڈائریکٹربسر پروفیسر ڈاکٹر ارشاد احمد ارشد نے پیش کیا۔ پروفیسر ڈاکٹر ناصر محمودنے سکالرز کو ہدایت کی کہ وہ اپنی تحقیق میں جدت، معروضیت اور بین الاقوامی معیار کو مدنظر رکھتے ہوئے تحقیقی سرگرمیوں کو آگے بڑھائیں تاکہ تحقیق کے مثبت ثمرات معاشرے تک مؤثر انداز میں منتقل ہو سکیں۔

شرکاء نے تحقیق کے معیار کو مزید بہتر بنانے، اسے بین الاقوامی تحقیقی تقاضوں سے ہم آہنگ کرنے اور بین الشعبہ جاتی (Interdisciplinary) تحقیق کو فروغ دینے پر زور دیا۔اجلاس کے دوران اس امر پر بھی اتفاق کیا گیا کہ معیاری تحقیق نہ صرف علمی ترقی کا ذریعہ ہے بلکہ قومی و بین الاقوامی سطح پر یونیورسٹی کے مثبت تشخص کو اجاگر کرنے میں بھی اہم کردار ادا کرتی ہے۔آج اجلاس کے دوسرے روز فیکلٹی آف عربک اینڈ اسلامک سٹڈیز اور فیکلٹی آف سائنس سے تعلق رکھنے والے 15 ریسرچ سکالرز اپنے تحقیقی خاکوں کا دفاع کر رہے ہیں۔

Facebook Twitter Google + Share on Whatsapp

علامہ اقبال اوپن یونیورسٹی میں بورڈ آف ایڈوانسڈ اسٹڈیز اینڈ ریسرچ (بسر) کے 76 ویں اجلاس کا انعقاد

متعلقہ عنوان :

مزید تعلیم کی خبریں