پنجاب کے تعلیمی بورڈز نے میٹرک کے امتحانات کا شیڈول جاری کر دیا

منگل 17 فروری 2026 17:30

لاہور (اُردو پوائنٹ اخبارتازہ ترین - این این آئی۔ 17 فروری2026ء) پنجاب بورڈز کمیٹی آف چیئرمین کے تحت پنجاب کے تعلیمی بورڈز نے جماعت دہم کے سالانہ امتحانات 2026ء کی باضابطہ ڈیٹ شیٹ جاری کر دی ہے، جس میں صوبے بھر کے لیے صبح اور شام کے گروپس کے مضامین کے مطابق شیڈول جاری کیا گیا ہے۔ تفصیلات کے مطابق میٹرک کے امتحانات مارچ میں شروع ہوں گے اور یکساں ٹائم ٹیبل کے تحت اپریل تک جاری رہیں گے۔

(جاری ہے)

جاری کردہ شیڈول کے مطابق صبح کے پرچے 9:00بجے شروع ہوں گے جبکہ شام کے پرچے 2:00بجے لیے جائیں گے۔ جمعہ کے روز شام کا امتحان 2:30 بجے شروع ہوگا۔حتمی ٹائم ٹیبل جاری ہونے کے بعد طلبہ کو ہدایت کی گئی ہے کہ وہ اپنی تیاری اسی کے مطابق ترتیب دیں اور بورڈز کی جانب سے جاری کردہ امتحانی ضابطہ اخلاق پر مکمل عمل کریں۔ حکام نے امیدواروں پر زور دیا ہے کہ وہ امتحانی مراکز پر بروقت پہنچیں اور ضروری دستاویزات ہمراہ لائیں تاکہ امتحان کے دن کسی قسم کی پریشانی سے بچا جا سکے۔

Facebook Twitter Google + Share on Whatsapp

پنجاب کے تعلیمی بورڈز نے میٹرک کے امتحانات کا شیڈول جاری کر دیا

متعلقہ عنوان :

مزید تعلیم کی خبریں