خیبرپختونخوا کے وزیر قانون آفتاب عالم سے ڈسٹرکٹ بار کونسل لوئر دیر کے وفد کی ملاقات

بدھ 29 اپریل 2026 21:09

پشاور (اُردو پوائنٹ اخبارتازہ ترین - اے پی پی۔ 29 اپریل2026ء) خیبر پختونخوا کے وزیر قانون آفتاب عالم سے بدھ کو ڈسٹرکٹ بار کونسل لوئر دیر کے وفد نے ملاقات کی۔محکمہ قانون خیبرپختونخوا تر جمان کے مطابق وفد کی قیادت صدر ڈسٹرکٹ بار کونسل لوئر دیر سلیم خان ایڈوکیٹ کر رہے تھے۔ ملاقات کرنے والے وفد میں رکن صوبائی اسمبلی پی کے 15 ہمایون خان اور رکن قومی اسمبلی این اے 6 بشیر خان سمیت ذاکر خان ایڈووکیٹ (جنرل سیکرٹری)، کریم خان ایڈووکیٹ (وائس پریزیڈنٹ)، حضرت رحمان ایڈووکیٹ (سپریم کورٹ)، سلیم خان ایڈووکیٹ، ساجد محمود ایڈووکیٹ، حمید اللہ ایڈووکیٹ، زاہد پرویز ایڈووکیٹ، اسداللہ ایڈووکیٹ اور مجید اللہ ایڈووکیٹ (پشاور ہائی کورٹ) بھی شامل تھے۔

اس موقع پر وفد نے علاقے میں قانونی و عدالتی امور سے متعلق درپیش مسائل سے وزیر قانون کو آگاہ کرتے ہوئے بتایا کہ چترال، اپر دیر، لوئر دیر اور باجوڑ سے دارالقضاء سوات کے طویل فاصلے کے باعث عوام اور وکلاء کو مشکلات درپیش ہیں جس کے حل کے لئے لوئر دیر میں سرکٹ بینچ کے قیام کی ضرورت ہے۔

(جاری ہے)

اس موقع پر وزیر قانون آفتاب عالم نے وفد کے مسائل کو غور سے سنا اور یقین دہانی کرائی کہ عوام کو سستے اور فوری انصاف کی فراہمی حکومت کی اولین ترجیحات میں شامل ہے۔

انہوں نے کہا کہ دور دراز علاقوں کے عوام کو عدالتی سہولیات کی فراہمی نہایت اہم ہے، اور اس سلسلے میں درپیش مسائل کا حل تلاش کرنے کے لیے سنجیدہ اقدامات کیے جائیں گے۔وزیر قانون نے مزید کہا کہ سرکٹ بینچ کے قیام سمیت دیگر تجاویز پر پشاور ہائی کورٹ کے احکامات اور مروجہ قوانین کی روشنی میں جائزہ لیا جائے گا تاکہ ایک ایسا قابل عمل حل نکالا جا سکے جو عوام اور وکلاء دونوں کے لیے سہولت کا باعث ہو۔