سعودی وزیر خارجہ سے فرانسیسی ہم منصب کی ملاقات، کینیڈا کی وزیر خارجہ کا ٹیلی فونک رابطہ

جمعہ 1 مئی 2026 08:32

ریاض (اُردو پوائنٹ اخبارتازہ ترین - اے پی پی۔ 01 مئی2026ء) سعودی وزیر خارجہ شہزادہ فیصل بن فرحان نےریاض میں فرانسیسی ہم منصب جین نول بیروٹ کا خیرمقدم کیا ہے۔ایس پی اے کے مطابق ملاقات میں سعودی عرب اور فرانس کے درمیان تعلقات اور انہیں بڑھانے کے طریقوں کا جائزہ لیا گیا۔

(جاری ہے)

دونوں وزرائے خارجہ نے علاقائی اور بین الاقوامی صورتحال، سلامتی اور استحکام پر اس کے اثرات پر بھی تبادلہ خیال کیا۔

عرب نیوز کے مطابق فرانسیسی وزیر خارجہ خطے کے دورے پر ہیں، وہ دوحہ، ابوظبی اور مسقط بھی جائیں گے۔علاوہ ازیں شہزادہ فیصل بن فرحان سے کینیڈا کی وزیر خارجہ انیتا آنند نے ٹیلی فون پر رابطہ کیا ہے۔رابطے کے دوران سعودی عرب اور کینیڈا کے تعلقات، خطے کی صورتحال اور اس حوالے سے کی جانے والی کوششوں کا جائزہ لیا گیا۔