پنجاب کے سکولوں کیلئے 2 ارب 45 کروڑروپے کا نان سیلری بجٹ جاری

چوتھی سہ ماہی کے فنڈز مختلف اضلاع کو منتقل، تعلیمی سہولیات اور بہتری پر خرچ ہوں گے

منگل 5 مئی 2026 16:06

پنجاب کے سکولوں کیلئے 2 ارب 45 کروڑروپے کا نان سیلری بجٹ جاری

لاہور (اُردو پوائنٹ اخبارتازہ ترین - این این آئی۔ 05 مئی2026ء) لاہور میں محکمہ خزانہ نے صوبے کے سکولوں کے لیے 2ارب 45کروڑ روپے کا نان سیلری بجٹ جاری کر دیا۔ذرائع کے مطابق یہ فنڈز چوتھی سہ ماہی کی مد میں جاری کیے گئے ہیں، جو تنخواہوں کے علاوہ تعلیمی اداروں کے ترقیاتی اور انتظامی اخراجات پر خرچ کیے جا سکیں گے۔

(جاری ہے)

تفصیلات کے مطابق مختلف اضلاع کو بھی بجٹ جاری کیا گیا ہے، جن میں ڈسٹرکٹ لاہور کو 8کروڑ 9 لاکھ روپے، فیصل آباد کو 12کروڑ روپے، ملتان کو 8کروڑ 17لاکھ روپے اور گوجرانوالہ کو 7کروڑ 98لاکھ روپے فراہم کیے گئے ہیں۔

اسی طرح گجرات کو 6کروڑ 95 لاکھ، حافظ آباد کو 3کروڑ 13لاکھ، چنیوٹ کو 3کروڑ 38لاکھ، بہاولنگر کو 10کروڑ، بہاولپور کو 8 کروڑ اور بھکر کو 6کروڑ روپے جاری کیے گئے ہیں۔مزید برآں جھنگ کو 8کروڑ، قصور کو 7کروڑ اور راولپنڈی کو 9کروڑ روپے کے فنڈز جاری کیے گئے ہیں۔محکمہ خزانہ کے مطابق یہ بجٹ سکولوں کی بہتری، سہولیات کی فراہمی اور تعلیمی معیار کو بہتر بنانے کے لیے استعمال کیا جائے گا۔