پیپلز یوتھ آرگنائزیشن ضلع جہلم ویلی کے زیر اہتمام پیپلز پارٹی سوشل میڈیا ٹیم کا شو آف پاور کا مظاہرہ

منگل 5 مئی 2026 23:45

چناری (اُردو پوائنٹ اخبارتازہ ترین - آن لائن۔ 05 مئی2026ء) پیپلز یوتھ آرگنائزیشن ضلع جہلم ویلی کے زیر اہتمام پیپلز پارٹی سوشل میڈیا ٹیم کا شو آف پاور کا مظاہرہ،ہٹیاں بالا کی فضا پیپلز پارٹی ،اشفاق ظفر کے حق میں نعروں سے گونج اٹھی،شرکاء کا اشفاق ظفر کو آمدہ انتخابات میں کامیاب کروانے کے لیے دن رات جہدوجہد کرنے کے عزم کا اظہار۔

(جاری ہے)

تفصیلات کے مطابق پیپلز پارٹی سوشل میڈیا ٹیم کا ایک اہم اجلاس مقامی ہوٹل میں زیر صدارت صدر پیپلز پارٹی سوشل میڈیا جہلم ویلی خواجہ حسن شریف منعقد ہوا، اجلاس میں پیپلز پارٹی کے سینئر رہنماؤں ،کارکنان سابق امیدوار اسمبلی، پیپلز پارٹی رہنماء صاحبزادہ امتیاز ظفر، خورشید اعوان، ممبر ضلع کونسل سینا دامن سید ساجد ہمدانی،سابق ایڈمنسٹریٹر بلدیہ خواجہ ناصر الدین چک، قاری محمد اخلاق، فاروق قریشی، چوہدری جہانگیر بدر، چوہدری ریاض عالم، محمد فیصل گجر، چوہدری سلیم گجر، راجہ سہیل خان، راشد مغل، تیمور بیگ، اویس خان، سید محسن ہمدانی، سید رؤف ہمدانی، راجہ حسنین مقبول، سید حسین علی ہمدانی، چوہدری نواز، صاحبزادہ جمال احمد، قاضی اسرار احمد، چوہدری محمد نصیر، سید وجاہت ہمدانی، راجہ مظہر عزیز، اذکار فاروق سدوزئی، عمیر مقبول، مبشر رفیق اور چوہدری وسیم سمیت دیگر نے شرکت کی،اجلاس سے خطاب کرتے ہوئے سابق امیدوار اسمبلی صاحبزادہ امتیاز ظفر،خواجہ ناصر الدین چک نے سوشل میڈیا ٹیم کے کردار کو سراہتے ہوئے کہا کہ کارکنان سوشل میڈیا پر شائستگی،مثبت انداز کو اپنائیں،کسی بھی قسم کی بدتمیزی یا بداخلاقی کا جواب دینے سے گریز کریں،پارٹی کا پیغام،قائدین کا موقف گھر گھر پہنچایا جائے،آنے والا وقت پیپلز پارٹی کا ہے،تمام کارکنان متحد ہو کر حلقہ میں بھرپور محنت کریں تاکہ صاحبزادہ اشفاق ظفر کو بھاری اکثریت سے کامیاب کروا کر اسمبلی میں بھیجا جا سکے،مقررین کا کہنا تھا کہ ماضی کی بدعنوانی،اقربا پروری کے دور کا خاتمہ،حقیقی معنوں میں تعمیر و ترقی کا نیا باب شروع کیا جائے گا،پیپلز پارٹی حلقہ چھ صاحبزادہ اشفاق ظفر اور ضلعی صدر راجہ پرویز اقبال کی قیادت میں متحد، منظم ہے،آئندہ دنوں میں عوام کو مثبت پیش رفت،خوشخبریاں ملیں گی،اجلاس کے اختتام پر سابق ایڈمنسٹریٹر بلدیہ خواجہ ناصر الدین چک کی جانب سے سوشل میڈیا ٹیم کے اعزاز میں ظہرانہ بھی دیا گیا۔