میرپور،تھانہ پولیس اسلام گڑھ کی کارروائی، 13 لاکھ روپے ریکور، متاثرہ شہری کے حوالے

بدھ 6 مئی 2026 22:25

میرپور (اُردو پوائنٹ اخبارتازہ ترین - آن لائن۔ 06 مئی2026ء) تھانہ پولیس اسلام گڑھ کی کارروائی، 13 لاکھ روپے ریکور، متاثرہ شہری کے حوالے،ترجمان میرپور پولیس کے مطابق ایس ایس پی میرپور خرم اقبال کی ہدایات کی روشنی میں تھانہ پولیس اسلام گڑھ نے بروقت کارروائی کرتے ہوئے اوورسیز شہری سے ہتھیائی گئی رقم برآمد کر لی۔

(جاری ہے)

ایس ایچ او تھانہ پولیس اسلام گڑھ عمیر رشید نے ہمراہ اسسٹنٹ سب انسپکٹر سمیر جاوید کارروائی کرتے ہوئے تین سال پرانے لین دین کے تنازعہ کو نہایت مختصر وقت میں حل کیا اور متاثرہ شہری کے 13 لاکھ روپے صرف تین دن کے اندر ریکور کر کے اس کے حوالے کر دیے۔

ایس ایس پی میرپور خرم اقبال نے کہا ہے کہ شہریوں کے جان و مال کا تحفظ پولیس کی اولین ترجیح ہے اور ایسے معاملات میں فوری اور مؤثر کارروائی کا سلسلہ جاری رکھا جائے گا۔متاثرہ اوورسیز شہری نے بروقت انصاف کی فراہمی اور عوام دوست پالیسی پر ایس ایس پی میرپور اور پولیس ٹیم کا شکریہ ادا کیا۔