سپورٹس بورڈ پنجاب کا کھیلوں کی 16فری اکیڈمیز قائم کرنے کا اعلان

تمام اکیڈمیز لڑکوں اور لڑکیوں دونوں کیلئے ہونگی، کسی طرح کی فیس نہیں لی جائے گی

بدھ 6 مئی 2026 20:45

لاہور(اُردو پوائنٹ اخبارتازہ ترین - این این آئی۔ 06 مئی2026ء) سپورٹس بورڈ پنجاب نے کھیلوں کی 16اکیڈمیز کھولنے کا اعلان کر دیا۔ترجمان اسپورٹس بورڈ پنجاب کے مطابق تمام اکیڈمیز لڑکوں اور لڑکیوں دونوں کے لیے ہوں گی، جن میں کوئی فیس نہیں ہو گی ۔

(جاری ہے)

ڈی جی اسپورٹس پنجاب محمد طارق قریشی نے کوچز کو ٹاسک دیدئیے۔انہوں نے کہا ہے کہ ملک کی تاریخ میں پہلی بار 16 اسپورٹس اکیڈمیز کو فری اوپن کیا جا رہا ہے، پنجاب کے تمام ڈویژن اور ڈسٹرکٹ میں اکیڈمیز قائم ہوں گی۔ان اکیڈمیز میں باکسنگ، اتھلیٹکس، سوئمنگ، ٹیبل ٹینس، بیڈمنٹن، فٹ بال، ہاکی، آرچری، ووشو، کراٹے، تائیکوانڈو، اسکواش اور کرکٹ کی اکیڈ میز شامل ہیں۔