روشن ڈیجیٹل اکائونٹس کے ذریعے سمندر پار پاکستانیوں کی ترسیلات زر کا حجم 12.747 ارب ڈالر تک پہنچ گیا

پیر 11 مئی 2026 12:01

اسلام آباد (اُردو پوائنٹ اخبارتازہ ترین - اے پی پی۔ 11 مئی2026ء) روشن ڈیجیٹل اکائونٹس کے ذریعے سمندر پار پاکستانیوں کی ترسیلات زر کا حجم 12.747 ارب ڈالر تک پہنچ گیا۔ سٹیٹ بینک کی جانب سے جاری کردہ اعدادوشمار کے مطابق اپریل کے مہینے میں سمندر پار پاکستانیوں نے روشن ڈیجیٹل اکائونٹس کے ذریعے 321 ملین ڈالر زر مبادلہ ملک ارسال کیا۔

(جاری ہے)

ستمبر 2020 سے لے کر اب تک روشن ڈیجیٹل اکائونٹس کے ذریعے سمندر پار پاکستانیوں نے مجموعی طور پر 12.747 ارب ڈالر زرمبادلہ ملک ارسال کیا ہے۔

سٹیٹ بینک کے مطابق ان اکائونٹس کے ذریعے سمندر پار پاکستانیوں نے ملک میں مجموعی طور پر 1.833 ارب ڈالر کی سرمایہ کاری کی ہے۔ سمندر پار پاکستانیوں نے آر ڈی اے کے ذریعے روایتی نیا پاکستان سرٹیفکیٹس میں 555 ملین ڈالر، نیا پاکستان اسلامی سرٹیفکیٹس میں 1.155 ارب ڈالر اور سٹاک ایکسچینج میں 123 ملین ڈالر کی سرمایہ کاری کی۔