پی پی ایس بی کے زیر اہتمام سالانہ انٹر ڈسٹرکٹ سپورٹس مقابلے جاری

جمعرات 14 مئی 2026 12:11

لاہور (اُردو پوائنٹ اخبارتازہ ترین - اے پی پی۔ 14 مئی2026ء) پاکستان پولیس سپورٹس بورڈ کے زیر اہتمام سالانہ انٹر ڈسٹرکٹ سپورٹس مقابلے جاری ہیں، جن کے تحت شیخوپورہ ریجن میں ہاکی، بیڈ منٹن، کرکٹ اور رسہ کشی کے مقابلے منعقد ہوئے۔

(جاری ہے)

ترجمان کے مطابق مقابلوں میں شیخوپورہ، ننکانہ ، قصور، سپیشل برانچ، آر ایم پی اور ٹریفک پولیس کی ٹیموں نے حصہ لیا۔ تمام کھیلوں میں ضلع شیخوپورہ کی ٹیموں نے شاندار کارکردگی کا مظاہرہ کرتے ہوئے پہلی ،آر ایم پی نے دوسری پوزیشن حاصل کی۔ آئی جی پنجاب نے فاتح ٹیموں کی کارکردگی کو سراہتے ہوئے کہا کہ بہترین کھلاڑیوں کا انتخاب کرکے انہیں پولیس ٹیموں میں شامل کیا جائے تاکہ کھیلوں کے میدان میں پنجاب پولیس کی کارکردگی مزید بہتر بنائی جا سکے۔