Live Updates

ایران نیوکلیئر ہتھیار نہیں بنا رہا، نہ نیت اور صلاحیت ہے، مشاہد حسین

لگتا ہے اگلے ایک دو ہفتے میں مذاکرات کا عمل آگے بڑھے گا،چیئرمین پاک چین انسٹیٹیوٹ

جمعہ 15 مئی 2026 21:45

اسلام آباد(اُردو پوائنٹ اخبارتازہ ترین - این این آئی۔ 15 مئی2026ء) چیئرمین پاک چین انسٹیٹیوٹ مشاہد حسین سید نے کہاہے کہ امریکا کی ڈیمانڈ ہے ایران نیوکلیئر ہتھیار نہ بنائے، ایران جوہری ہتھیار نہیں بنا رہا، نہ اس کی نیت اور صلاحیت ہے۔

(جاری ہے)

نجی ٹی وی کے پروگرام میں گفتگوکرتے ہوئے مشاہد حسین سید نے کہا کہ صدر ٹرمپ کا دورہ چین تاریخی اور اہم ترین تھا، جو کامیاب رہا، دونوں ممالک میں برابری کی بنیاد پر ملاقات ہوئی، چین میں صدر ٹرمپ کا پرتپاک استقبال ہوا۔

انہوں نے کہا کہ ڈونلڈ ٹرمپ اور چینی صدر کی ملاقات میں ایران جنگ، آبنائے ہرمز سے متعلق بات چیت ہوئی، لگتا ہے اگلے ایک دو ہفتے میں مذاکرات کا عمل آگے بڑھے گا۔مشاہد حسین سید نے کہا کہ ہمارے چین اور امریکا دونوں ممالک سے اچھے تعلقات ہیں۔