دنیا بھر میں کچھووں کا عالمی دن ’’ورلڈ ٹرٹل ڈے‘‘ 23 مئی کو منایا جائے گا

ہفتہ 16 مئی 2026 13:25

مکو آ نہ (اُردو پوائنٹ اخبارتازہ ترین - این این آئی۔ 16 مئی2026ء) پاکستان سمیت دنیا بھر میں کچھوو?ں کا عالمی دن ’’ورلڈ ٹرٹل ڈے 23‘‘ مئی کو منایا جائے گا۔ اس دن کے منانے کا بنیادی مقصد دنیا بھر میں کچھووں کی اہمیت اور ان کے تحفظ کے حوالے سے شعور اجاگر کرنا ہے۔ اس دن کو منانے کا آغاز 2000ء میں ہوا تھا۔ واضح رہے کہ کچھوا، زمین پر پائے جانے والے سب سے قدیم ترین رینگنے والے جانداروں میں سے ایک ہے۔

ماہرین کے مطابق یہ لگ بھگ 21 کروڑ سال قبل وجود میں آیا تھا۔ اس کی اوسط عمر بہت طویل ہوتی ہے اور عام طور پر ایک کچھوے کی عمر 30 تا 50 برس تک ہوسکتی ہے جبکہ بعض کچھوے سو سال کی عمر بھی پاتے ہیں۔ سمندری کچھووں میں سب سے طویل العمری کا ریکارڈ 152 سال ہے۔انٹارکٹکا کے علاوہ کچھوا دنیا کے تمام براعظموں میں پایا جاتا ہے۔

(جاری ہے)

کچھوے انتہائی سرد موسم میں زندہ نہیں رہ سکتے ہیں یہی وجہ ہے کہ یہ برفیلے علاقوں میں نہیں پائے جاتے بدقسمتی سے اس وقت کچھووں کی زیادہ تر اقسام معدومی کے خطرے سے دو چار ہیں۔

عالمی ادارہ برائے تحفظ فطرت (آئی یو سی این)کے مطابق دنیا بھر میں کچھووں کی 300میں سے 129 اقسام اپنی بقا کیلئے جدوجہد کر رہی ہیں اور یہ اقسام معمولی یا شدید قسم کے خطرات سے دو چار ہیں۔کچھووں کی ممکنہ معدومی اور ان کی آبادی میں کمی کی وجوہات ان کا بے دریغ شکار، غیر قانونی تجارت اور ان کی پناہ گاہوں میں کمی واقع ہونا ہے۔اس دن کی مناسبت ست سرکاری و غیر سرکاری اداروں کے زیر اہتمام مختلف تقریبات میں کچھووں کی معدومی کے حوالہ سے آگاہی فراہم کی جائے گی۔