Live Updates

قائمقام صدر ریاست آزاد جموں وکشمیر چوہدری لطیف اکبر کی زیر صدارت آزاد جموں وکشمیر قانون ساز اسمبلی کی فنانس کمیٹی کا اجلاس

جمعرات 21 مئی 2026 23:27

مظفرآباد (اُردو پوائنٹ اخبارتازہ ترین - آن لائن۔ 21 مئی2026ء) قائمقام صدر ریاست آزاد جموں وکشمیر و سپیکر آزاد جموں وکشمیر قانون ساز اسمبلی چوہدری لطیف اکبر کی زیر صدارت آزاد جموں وکشمیر قانون ساز اسمبلی کی فنانس کمیٹی کا اجلاس ایوان صدر مظفرآباد میں منعقد ہوا۔

(جاری ہے)

اس موقع پر اجلاس میں موسٹ سینئر وزیر میاں عبدالوحید، وزیر خزانہ آزاد جموں وکشمیر چوہدری قاسم مجید،ڈپٹی سپیکر آزاد جموں وکشمیر قانون ساز اسمبلی چوہدری ریاض، وزیر بحالیات جاوید اقبال بڈھانوی،سیکرٹری اسمبلی امجد لطیف عباسی اور دیگر نے شرکت کی۔

اس موقع پر آزاد جموں وکشمیر قانون سا ز اسمبلی کے مالی معاملات زیر بحث لائے گے اور آزاد جموں وکشمیر قانون سا زاسمبلی سیکرٹریٹ کے سالانہ بجٹ کی منظوری دی گئی۔ اس موقع پر قائمقام صدر آزاد جموں وکشمیر و سپیکر آزادجموں وکشمیر قانون ساز اسمبلی چوہدری لطیف اکبر نے آزاد جموں وکشمیر قانون ساز اسمبلی سیکرٹریٹ کے آفیسران کو ہدایت کی کہ اسمبلی سیکرٹریٹ کے اخراجات میں کفایت شعاری سے کام لیا جائے تاکہ سیکرٹریٹ کے غیر ضروری اخراجات میں کمی لائی جا سکے۔