قائمقام صدر ریاست سے نو تعینات کوآرڈینیٹر تجوید القرآن ٹرسٹ صاحبزادہ فضل رسول طاہر کی ملاقات

تمام مسالک کو ساتھ لیکر چلنے اور مذہبی ہم آہنگی اور رواداری قائم کرنے کیلئے تمام تر وسائل بروئے کار لائے جائیں،چوہدری لطیف اکبر

جمعہ 22 مئی 2026 14:20

مظفرآباد(اُردو پوائنٹ اخبارتازہ ترین - این این آئی۔ 22 مئی2026ء) قائمقام صدر ریاست آزاد جموں وکشمیر و چیئرمین تجوید القرآن ٹرسٹ آزاد کشمیر چوہدری لطیف اکبر سے نو تعینات کوارڈینیٹر تجوید القرآن ٹرسٹ صاحبزادہ فضل رسول طاہر کی ایوان صدر مظفرآباد میں تفصیلی ملاقات۔ اس موقع پر نو تعینات کوارڈینیٹر تجوید القرآن ٹرسٹ صاحبزادہ فضل رسول طاہر نے قائمقام صدر ریاست آزاد جموں وکشمیر چوہدری لطیف اکبر کو آزادکشمیر میں قائم دینی مدارس کو درپیش مسائل سے آگاہ کیا اور اقامتی طلبہ کے وظائف میں اضافہ کیے جانے کے حوالے سے بھی بات چیت کی گئی۔

اس موقع پرقائمقام صدر آزاد جموں وکشمیر چوہدری لطیف اکبر نے کہا کہ آزادکشمیر میں تمام مسالک کو ساتھ لے کر چلنے اور مذہبی ہم آہنگی اور رواداری قائم کرنے کے لئے تمام تر وسائل بروئے کار لائے جائیں اور اس سلسلے میں قائمقام صدر ریاست آزادجموں وکشمیر چوہدری لطیف اکبر نے نو تعینات کوارڈینیٹر تجوید القرآن ٹرسٹ صاحبزادہ فضل رسول طاہرکواپنے بھرپور تعاون کا یقین دلایا۔

(جاری ہے)

اس موقع پر قائمقام صدر ریاست آزادجموں وکشمیر چوہدری لطیف اکبر اور نو تعینات کوارڈینیٹر تجوید القرآن ٹرسٹ صاحبزادہ فضل رسول طاہرکے درمیان باہمی دلچسپی سمیت دیگر امور پر بھی تبادلہ خیال کیا گیا۔