سندھ مرد اور خواتین اتھلیٹکس ٹیموں کے چناؤ کے سلسلہ میں ٹرائلز (کل )کراچی میں ہونگے

ہفتہ 30 مئی 2026 14:29

کراچی (اُردو پوائنٹ اخبارتازہ ترین - این این آئی۔ 30 مئی2026ء) سندھ اتھلیٹکس ایسوسی ایشن کے زیر سندھ مرد اور خواتین اتھلیٹکس ٹیموں کے چناؤ کے سلسلہ میں ٹرائلز (کل) اتوار31 مئی کو سہ پہر تین بجے این ای ڈی یونیورسٹی کراچی میں شروع ہو نگے۔

(جاری ہے)

سندھ اتھلیٹکس ایسوسی ایشن کے جنرل سیکرٹری اظہر صمدانی نے بتایا کہ منتخب ٹیموں کے کھلاڑی نیشنل جونئیر اتھلیٹکس چیمپئن شپ میں شرکت کریں گے جو 7 جون سے قیوم سٹیڈیم، پشاور شروع ہو گی اور 10 جون تک جاری رہے گی۔

انہوں نے کہا کہ ٹرائلز کے وقت کھلاڑی عمر کے ثبوت کے لئے اپنے ہمراہ شناختی کارڈ اور 'ب' فارم کے علاوہ دیگر کوئی کاغذات لائیں۔انہوں نے کہا کہ کھلاڑیوں کی سلیکشن کے لئے چار رکنی سلیکشن کمیٹی قائم کر دی گئی ہے جن میں ابرار حسین، محمد عثمان، شہباز احمد اور اظہر صمدانی شامل ہیں۔ ٹرائلز کے دوران کھلاڑیوں کی سلیکشن میرٹ کی بنیاد پر کی جائے گی۔