گلگت بلتستان میں پولنگ اسٹیشنوں کو دور منتقل کرکے ہماراووٹ بینک متاثرکیاگیا،قمر زمان کائرہ

بعض پولنگ اسٹیشنوں پر عملہ تاخیر سے پہنچا، جب تک تمام ووٹ کاسٹ نہ ہوجائیں انتخابی عملے کوجانین ہیں دیں گے،رہنما پی پی گلگت بلتستان میں پیپلزپارٹی کو فارم 45 فراہم نہیں کیے جارہے، چیف الیکشن کمشنر سے رابطہ کرکے معاملے سے متعلق آگاہ کیا ہے، نیئر حسین بخاری گلگت بلتستان میں ہمارے نمائندوں کو فارم45 نہیں دیے جارہے، شفاف انتخابات آئینی ذمہ داری ہے اورپیپلزپارٹی شفافیت پریقین رکھتی ہے، رفیع اللہ

اتوار 7 جون 2026 19:55

گلگت بلتستان میں پولنگ اسٹیشنوں کو دور منتقل کرکے ہماراووٹ بینک متاثرکیاگیا،قمر ..

اسلام آباد (اُردو پوائنٹ اخبارتازہ ترین - این این آئی۔ 07 جون2026ء) پیپلزپارٹی کے مرکزی رہنما قمر زمان کائرہ نے کہا ہے کہ گلگت بلتستان الیکشن کمیشن ہماریتحفظات پرفوری ایکشن لے۔گلگت بلتستان اسمبلی کے انتخابات پر ردعمل میں قمر زمان کائرہ نے کہاکہ گلگت بلتستان میں پولنگ اسٹیشنوں کو دور منتقل کرکے ہماراووٹ بینک متاثرکیاگیا، بعض پولنگ اسٹیشنوں پر عملہ تاخیر سے پہنچا۔

انہوں نے کہا کہ انتخابی عمل کو جان بوجھ کرسست روی کاشکارکرنامنصفانہ الیکشن پرسوالیہ نشان ہے۔انہوں نے مطالبہ کیاکہ گلگت بلتستان الیکشن کمیشن ہماریتحفظات پرفوری ایکشن لے۔قمرزمان کائرہ نے کہاکہ جب تک تمام ووٹ کاسٹ نہ ہوجائیں انتخابی عملے کوجانے نہیں دیں گے۔دوسری جانب پیپلزپارٹی کے سکریٹری جنرل نیرحسین بخاری نے کہا کہ گلگت بلتستان میں پیپلزپارٹی کو فارم 45 فراہم نہیں کیے جارہے، چیف الیکشن کمشنر سے رابطہ کرکے معاملے سے متعلق آگاہ کیا ہے۔

(جاری ہے)

انہوں نے کہا کہ گلگت بلتستان کے انتخابات پرامن ماحول میں ہوئے، اب ماحول خراب نہ کیا جائے، الیکشن کمیشن کو فوری طور پر اپنا کردار ادا کرنا چاہیے۔انہوں نے الزام عائد کیا کہ گلگت بلتستان میں انتخابات پرامن ہوگئے، فارم 45 نہیں دیے جارہے، یہ نتائج تبدیل کرنا چاہتیہیں، پولنگ ایجنٹس کو فارم 45 دیے جائیں، پریزائیڈنگ افسران کچی پنسل کے نتائج دے رہے ہیں جوغیرقانونی ہیں، کچھ عناصر انتخابات کو داغدار کرنا چاہتے ہیں۔

نجی ٹی ووی سے گفتگو میں پیپلزپارٹی کے رکن قومی اسمبلی آغا رفیع اللہ نے کہا کہ گلگت بلتستان میں دھاندلی کا آغاز کردیا گیا ہے، گلگت بلتستان میں ہمارے نمائندوں کو فارم45 نہیں دیے جارہے، شفاف انتخابات آئینی ذمہ داری ہے اورپیپلزپارٹی شفافیت پریقین رکھتی ہے۔انہوںنے کہاکہ گلگت بلتستان سے پیپلزپارٹی رہنمائوں کی شکایت آرہی ہیں کہ وہاں منظم دھاندلی ہورہی ہے۔