وائس چانسلر گومل یونیورسٹی سے کمشنر ڈیرہ ڈویژن کی ملاقات

جمعہ 19 جون 2026 18:01

پشاور (اُردو پوائنٹ اخبارتازہ ترین - اے پی پی۔ 19 جون2026ء) گومل یونیورسٹی کے وائس چانسلر پروفیسر ڈاکٹر ظفر اقبال نے جمعہ کے روز کمشنر ڈیرہ ڈویژن داؤد خان سے ان کے دفتر میں ملاقات کی۔گومل یونیورسٹی تر جمان کے مطابق ملاقات میں انہیں یونیورسٹی میں جاری تعلیمی، انتظامی اور دیگر اصلاحاتی اقدامات کے بارے میں تفصیلی بریفنگ دی۔ ملاقات کے دوران وائس چانسلر نے گومل یونیورسٹی میں جاری ترقیاتی منصوبوں اور مستقبل کے مجوزہ اقدامات سے بھی آگاہ کیا۔

اس موقع پر اعلیٰ تعلیم کے فروغ، ادارہ جاتی ترقی، طلبہ کی فلاح و بہبود اور تعلیمی معیار کی بہتری سے متعلق مختلف امور پر تبادلہ خیال کیا گیا۔ کمشنر ڈیرہ ڈویژن داؤد خان نے گومل یونیورسٹی کی جانب سے تعلیمی بہتری اور ترقی کے لیے کی جانے والی کاوشوں کو سراہتے ہوئے خطے میں معیاری تعلیم کے فروغ کے لیے ہر ممکن تعاون کی یقین دہانی کرائی۔

(جاری ہے)

ملاقات کے اختتام پر وائس چانسلر پروفیسر ڈاکٹر ظفر اقبال نے اپنی کتاب ''اسلاموفوبیا ''کمشنر ڈیرہ ڈویژن داؤد خان کو پیش کی۔ کتاب میں مغربی معاشروں میں اسلاموفوبیا کے بڑھتے ہوئے رجحان، مسلمانوں کے بارے میں پائے جانے والے منفی تصورات، ان کے اسباب، مختلف مظاہر اور ان کے ممکنہ حل پر تفصیلی بحث کی گئی ہے۔ مصنف نے اس مسئلے سے نمٹنے کے لیے مسلم دنیا کے کردار اور ذمہ داریوں پر بھی روشنی ڈالی ہے۔ کمشنر ڈیرہ ڈویژن داؤد خان نے کتاب میں اٹھائے گئے موضوعات کو اہم قرار دیتے ہوئے اس کا مطالعہ کرنے میں دلچسپی کا اظہار کیا اور جلد گومل یونیورسٹی کا دورہ کرنے کی یقین دہانی بھی کرائی۔

Facebook Twitter Google + Share on Whatsapp

وائس چانسلر گومل یونیورسٹی سے کمشنر ڈیرہ ڈویژن کی ملاقات

متعلقہ عنوان :

مزید تعلیم کی خبریں