ٹرمپ نے دنیا اپنے کندھوں پر اٹھا لی،سوشل میڈیا پر اے آئی سے تیار تصویر شیئرکردی

ٹرمپ نے صدرکے منصب کو مذاق بناکررکھ دیا ہے اور پوری دنیا میں جگ ہنسائی کا باعث بن رہے ہیں . ناقدین

میاں محمد ندیم پیر 29 جون 2026 17:33

ٹرمپ نے دنیا اپنے کندھوں پر اٹھا لی،سوشل میڈیا پر اے آئی سے تیار تصویر ..

واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔29 جون ۔2026 ) امریکی صدر ڈونلڈ ٹرمپ نے ایک بار پھر سوشل میڈیا پرمصنوعی ذہانت سے تیار کی گئی تصویر شیئر کی ہے جس میں انہیں دنیا کو کندھوں پر اٹھائے دکھایا ہے” ٹروتھ سوشل“ اے آئیسے تیار کردہ تصویر میں انہیں امریکی پرچم اوڑھے ایک گھٹنے پر بیٹھے ہوئے اور پوری دنیا کو اپنے کندھوں پر اٹھائے دکھایا گیا ہے.

یہ تصویر یونانی دیومالا کے کردار اٹلس کی یاد دلاتی ہے، جسے روایات کے مطابق آسمانی کرہ اپنے کندھوں پر اٹھانے کی سزا دی گئی تھی جبکہ بعد کی معروف تصاویر میں اسے زمین اٹھائے ہوئے دکھایا جاتا ہے .

(جاری ہے)

ٹرمپ نے تصویر کے ساتھ کوئی وضاحتی کیپشن تحریر نہیں کیا تاہم مبصرین کے مطابق اس سے یہ تاثر دیا گیا ہے کہ وہ خود کو دنیا کا بوجھ اٹھانے والی شخصیت کے طور پر پیش کرنا چاہتے ہیں.

ٹرمپ نے ایک اور تصویر بھی شیئر کی جس میں انہوں نے اپنی 20 سالہ عمر کی تصویر کا موازنہ سابق امریکی صدر بارک اوباما کی 18 سالہ عمر کی تصویر سے کیا ٹرمپ نے اپنی فوجی طرز کی یونیفارم میں لی گئی تصویر شیئر کی جبکہ اوباما کی وہ تصویر استعمال کی جس میں وہ کالج کے زمانے میں دکھائی دیتے ہیں. ادھر ان کے ناقدین کا کہنا ہے انہوں نے صدرکے منصب کو مذاق بناکررکھ دیا ہے اور پوری دنیا میں جگ ہنسائی کا باعث بن رہے ہیں ان کا کہنا ہے کہ صدرٹرمپ کے دونوں عہد صدارت میں امریکی شہریوں کی مشکلات میں اضافہ ہوا اور انہوں نے اپنے کاروبار میں اضافے کے ساتھ اپنے ارب پتی دوستوں اور عطیہ دہندگان کو کھل کر فوائدپہنچائے‘اس دوران امریکا میں بے گھر افرادکی تعداد میں نمایاں اضافہ ہوا‘افراط زر میں تاریخی اضافہ ہوا‘بیروزگاری بڑھی .

ان کا کہنا ہے کہ صدر ٹرمپ منصوعی ذہانت سے تصاویر تیار کرکے خود کو بہلا سکتے ہیں مگر حقیقت کو نہیں بدل سکتے حقیقت یہ ہے کہ ان کے اپنے میگا بیس میں صدرکی مقبولیت میں نمایاں کمی ہوئی ہے‘نومبر میں ہونے والے وسط مدتی انتخابات میں ریپبلکن پارٹی کو صدرٹرمپ کے فیصلوں کی بھاری قیمت چکانی پڑے گی ‘ان کے مطابق تمام ریاستوں میں سول سوسائٹی کسی بھی ممکنہ الیکشن فراڈ کے خلاف اقدامات کے لیے تیار ہے جبکہ ڈیموکریٹس کا کہنا ہے کہ تمام ریاستوں میں ممکنہ الیکشن فراڈ پر گہری نظررکھے ہوئے ہیں .