صدر زرداری چولپان اتا کے اسی کال بین الاقوامی ہوائی اڈے پہنچ گئے

قرغیز صدر سادیر ژاپاروف نے صدر مملکت کا استقبال کیا،آصف علی زرداری کو گارڈ آف آنر بھی پیش

پیر 6 جولائی 2026 20:55

کوہ تیان شان(اُردو پوائنٹ اخبارتازہ ترین - این این آئی۔ 06 جولائی2026ء) صدر مملکت آصف علی زرداری دو روزہ سرکاری دورے پر قرغزستان پہنچ گئے، جہاں اسیک کول بین الاقوامی ہوائی اڈے پر سادیر ژاپاروف نے ان کا پرتپاک استقبال کیا، اس موقع پر صدر مملکت کو گارڈ آف آنر بھی پیش کیا گیا۔

(جاری ہے)

یہ دورہ 1995میں بے نظیر بھٹو کے تاریخی دور قرغزستان کے بعد کسی پاکستانی صدر کا پہلا دورہ ہے، جسے دونوں ممالک کے درمیان اعلی سطحی روابط کے تسلسل کی اہم کڑی قرار دیا جا رہا ہے۔

دورے کے دوران صدر آصف علی زرداری اور قرغز صدر سادیر ژاپاروف دوطرفہ تعلقات اور باہمی تعاون کے مختلف شعبوں کا جائزہ لیں گے۔ملاقاتوں میں تجارت، سرمایہ کاری، توانائی، معدنیات، زراعت، تعلیم، صحت، سیاحت، ڈیجیٹل معیشت اور عوامی روابط کے فروغ سمیت علاقائی تعاون اور پاکستان و قرغزستان کے دیرینہ برادرانہ تعلقات کو مزید مستحکم بنانے کے امور پر بھی تبادلہ خیال کیا جائے گا۔