پاکستان کے معروف کامیڈین اللہ رکھا پیپسی انتقال کرگئے

منگل 7 جولائی 2026 17:42

لاہور (اُردو پوائنٹ اخبارتازہ ترین - این این آئی۔ 07 جولائی2026ء) پاکستان کے معروف کامیڈین اللہ رکھا پیپسی انتقال کرگئے۔اللہ رکھا پیپسی ایک معروف پاکستانی کامیڈین اور اسٹیج پرفارمر تھے جو اپنی مزاحیہ پرفارمنسز کی وجہ سے جانے جاتے تھے۔

(جاری ہے)

اللہ رکھا پیپسی نے مختلف نیوز چینلز کے کامیڈی شو میں بھی کام کیا، اپنی آخری سانسوں تک وہ ایک نجی ٹی وی کے مزاحیہ پروگرام کے ذریعے لوگوں کے چہروں پر ہنسی بکھیرتے رہے۔

کامیڈین کا انتقال دل کا دورہ پڑنے کے سبب ہوا، اس حوالے سے نجی ٹی وی کے میزبان اداکار محسن عباس حیدر نے انسٹاگرام اسٹوری پر کامیڈین کی موت کی تصدیق کی اور بتایا کہ 'میرے لاڈلے فنکار دوران ریکارڈنگ حرکت قلب بند ہونے کی وجہ سے چل بسے۔اللہ رکھا پیپسی کی موت کی خبر نے ان کے چاہنے والوں کو افسردہ کردیا۔