پیسہ مرد ہوتا ہے‘: امر خان کی پوسٹ پر نئی بحث چھڑ گئی

منگل 7 جولائی 2026 23:09

کراچی (اُردو پوائنٹ اخبارتازہ ترین - آن لائن۔ 07 جولائی2026ء) پاکستانی اداکارہ، مصنفہ اور فلم ساز امر خان کی ایک انسٹاگرام اسٹوری سوشل میڈیا پر توجہ کا مرکز بن گئی، جس میں انہوں نے معاشرے میں دولت کی اہمیت سے متعلق ایک ویڈیو شیئر کی ہے۔امر خان نے اپنی انسٹاگرام اسٹوری پر ایک ویڈیو ری پوسٹ کی ہے، جس میں موسلا دھار بارش کے دوران ایک کم عمر لڑکا سفید رنگ کی گاڑی کے اگلے ٹائر کی صفائی کرتے ہوئے دکھائی دیتا ہے۔

(جاری ہے)

ویڈیو کے پسِ منظر میں ایک آواز سنائی دیتی ہے، جس میں کہا گیا ہے مرد کو مرد نہیں بناتا، پیسہ ہی مرد بناتا ہے۔اداکارہ نے اس ویڈیو کے ساتھ صرف حقیقت لکھا ہے اور اس کے ساتھ ایک بینڈیج اور گلابی دل کا ایموجی بھی شامل کیا ہے۔امر خان کی اس پوسٹ کے بعد سوشل میڈیا پر مختلف آراء سامنے آئی ہیں، متعدد صارفین نے تبصرہ کرتے ہوئے کہا ہے کہ اگر معاشرے میں مالی ذمے داری ہی اصل معیار ہے تو بہت سی خواتین بھی اپنے گھروں کی کفالت کرتی ہیں، اس لحاظ سے وہ بھی گھر کی مرد ہیں۔