م*کوآپریٹو بینک کی فوری بحالی سے کسانوں اور چھوٹے تاجروں کو ریلیف ملے گا، مطالبہ

wکوآپریٹو شعبے کے فروغ کے لیے حکومت سے عملی اقدامات کی اپیل

پیر 13 جولائی 2026 20:30

پ*تیمرگرہ (اُردو پوائنٹ اخبارتازہ ترین - آن لائن۔ 13 جولائی2026ء) اسسٹنٹ رجسٹرار/ڈسٹرکٹ آفیسر کوآپریٹو سوسائٹیز دیر لوئر صاحبزادہ احسان اللہ نے حکومت سے مطالبہ کیا ہے کہ عوامی مفاد اور کوآپریٹو شعبے کی ترقی کے لیے کوآپریٹو بینک کو فوری طور پر بحال کیا جائے۔میڈیا سے گفتگو کرتے ہوئے انہوں نے کہا کہ محکمہ کوآپریٹو سوسائٹیز کا بنیادی مقصد عوام کو باہمی تعاون کی بنیاد پر معاشی و سماجی طور پر مستحکم بنانا اور کوآپریٹو نظام کو فروغ دینا ہے۔

انہوں نے بتایا کہ محکمہ کے مینڈیٹ میں کوآپریٹو سوسائٹیز کی رجسٹریشن، سالانہ آڈٹ، مالی و انتظامی نگرانی، قرضہ جات کی فراہمی، خواتین کے ہینڈی کرافٹس اور چھوٹے کاروبار کی حوصلہ افزائی، کوآپریٹو قوانین پر عمل درآمد اور اراکین کی تربیت و آگاہی سمیت متعدد امور شامل ہیں۔

(جاری ہے)

صاحبزادہ احسان اللہ نے کہا کہ کوآپریٹو بینک کی بحالی سے کسانوں، چھوٹے تاجروں، ہنرمندوں اور کوآپریٹو سوسائٹیز سے وابستہ افراد کو آسان شرائط پر مالی سہولیات میسر آئیں گی، جس سے نہ صرف روزگار کے مواقع پیدا ہوں گے بلکہ مقامی معیشت کو بھی استحکام ملے گا۔

انہوں نے حکومت سے مطالبہ کیا کہ کوآپریٹو بینک کی بحالی کے لیے فوری عملی اقدامات کیے جائیں تاکہ کوآپریٹو شعبہ اپنی حقیقی استعداد کے مطابق ملکی ترقی میں کردار ادا کر سکی