جی ہاں! میں ٹھرکی ہوں، ہزار بار مانتا ہوں کہ میں ٹھرکی ہوں، مفتی قوی

میرا دل بالکل صاف اور روشن ہے، میرا دماغ روشن ہے اور میں کھلے دل و کھلے ذہن کا انسان ہوں؛ پوڈکاسٹ میں گفتگو

ساجد علی جمعرات 16 جولائی 2026 15:29

جی ہاں! میں ٹھرکی ہوں، ہزار بار مانتا ہوں کہ میں ٹھرکی ہوں، مفتی قوی

ملتان (اُردو پوائنٹ اخبارتازہ ترین۔ 16 جولائی 2026ء) اپنے متنازعہ بیانات اور منفرد طرزِ زندگی کی وجہ سے ہمیشہ خبروں میں رہنے والے مذہبی اسکالر مفتی عبدالقوی نے ایک بار پھر سوشل میڈیا پر ایسا ہی ایک بیان داغ دیا۔ تفصیلات کے مطابق ایک پوڈ کاسٹ میں گفتگو کے دوران جب شو کی میزبان خاتون نے مفتی عبدالقوی کے سامنے سیدھا سوال رکھا کہ "کیا آپ خود کو ٹھرکی یا ’فلرٹ‘ سمجھتے ہیں؟" اس سوال پر مفتی عبدالقوی نے روایتی ہچکچاہٹ کا مظاہرہ کرنے کے بجائے جواب دیتے ہوئے کہا کہ "جی ہاں، میں ٹھرکی ہوں، اور میں ہزار بار مانتا ہوں کہ میں ٹھرکی ہوں"۔

(جاری ہے)

میں ٹھرکی نہیں ہزار فیصد ٹھرکی ہوں، میرا دل روشن ہے دماغ روشن ہے، میں ہوں ٹھرکی
مفتی قوی pic.twitter.com/bv57bIFWq1
— Waqar khan (@Waqarkhan) July 15, 2026

اپنے اس اعتراف پر روشنی ڈالتے ہوئے مفتی عبدالقوی کا کہنا تھا کہ لوگ اس لفظ کو جس نظر سے بھی دیکھیں، لیکن ان کا اپنا ایک مخصوص زاویہِ نگاہ ہے، انہوں نے اپنی شخصیت کی خوبیاں بیان کرتے ہوئے مزید وضاحت دی کہ میرا دل بالکل صاف اور روشن ہے، میرا دماغ روشن ہے اور میں کھلے دل و کھلے ذہن کا انسان ہوں، میری زبان میٹھی ہے، جس کی وجہ سے میں لوگوں سے اچھے طریقے سے پیش آتا ہوں۔