صوبائی وزیر آبپاشی، منصوبہ بندی و ترقیات کی سربراہی میں سندھ حکومت کے 13 رکنی وفد کا واپڈا ہاﺅس کا دورہ

اجلاس کے دوران پاکستان کی واٹر، فوڈ اور انرجی سکیورٹی کو درپیش مستقبل کے چیلنجوں کی نشاندہی کے لیے ایک جامع ادرہ جاتی جائزہ لیا گیا.ترجمان واپڈا

میاں محمد ندیم جمعرات 16 جولائی 2026 20:28

صوبائی وزیر آبپاشی، منصوبہ بندی و ترقیات کی سربراہی میں سندھ حکومت ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔16 جولائی ۔2026 ) صوبائی وزیر آبپاشی، منصوبہ بندی و ترقیات جام خان شورو کی سربراہی میں حکومت سندھ کے 13 رکنی وفد نے چیئرمین واپڈا لیفٹیننٹ جنرل محمد سعید (ریٹائرڈ) اور اتھارٹی کے سینئر آفیسرز سے تفصیلی ملاقات کے لیے آج واپڈا ہاﺅس کا دورہ کیا دن بھر جاری رہنے والی میٹنگ کے دوران، پاکستان کی واٹر، فوڈ اور انرجی سکیورٹی کو درپیش مستقبل کے چیلنجوں کی نشاندہی کے لیے ایک جامع ادرہ جاتی جائزہ لیا گیا.

(جاری ہے)

دونوں فریقین نے صوبہ سندھ میں واپڈا کی جانب سے مکمل کیے گئے منصوبوں بالخصوص ڈرینیج انفراسٹرکچرز سے متعلق آپریشنل اور دیکھ بھال کے چیلنجوں سے نمٹنے کے لیے آپشنز پر غور کیا سندھ اور تمام دریاﺅں کے بالائی کیچ منٹ ایریاز میں پانی اور پن بجلی کے شعبوں میں زیر تعمیر اور مستقبل کے منصوبوں پر بھی تبادلہ خیال کیا گیا. تفصیلی تبادلہ خیال کے بعد دونوں فریقین نے تمام وفاقی اکائیوں کی واٹر، فوڈ اور انرجی سکیورٹی کے ساتھ ساتھ پاکستان کی بڑھتی ہوئی آبادی کیلئے اہم سمجھے جانے والے مستقبل کے منصوبوں پر سیاسی قیادت کے لیے سفارشات کو حتمی شکل دینے کے اقدامات پر بھی اتفاق کیا.